John 4 - Ne Saint John 1804

CHAP. IV.

¹ Ethone kadi wahhodogense ne Royaner tsi ronaghronken ne Pharisees si Jesus fénha wahhotyoghkwayendane ok wahsʼhakoyatise tsiniyught ne John.

² Sàne raonha ne Jesus yaghten wahsʼhakoyatise ok ne raotyonghkwa etho ne hodiyéren.

³ Eren sareghte ne Judea, ok sarawe Gallìleets-eràgon.

⁴ Ne kadi aoríwa Samaria nonga yehhodoh-hetfton.

⁵ Ethone yehharawe tsi nonwe kanadaye Samariatseragon nene konwayats Sychar, ok niyoreah tsiyonkwènràre nʼoghwhenja nene Yakwek rowigh ne Roye-ah Joseph.

⁶ Egh nonwe yekaghnégo ne Yakwek ròkwàthon, Jesus kadi tehowishenhéyon, tsi rathahhaghkwe, eghwahhatye akda tsi kaghnégon: nene yayakhadont hour tsiniyodeghniserìne.

⁷ Egh wa-onwe nene Samaria-haga onheghtyen, nene yeghnegotsyenghtáne. Jesus wahsʼhakawen-haghse, kafha nʼaknegìra.

⁸ (Iken ne raotyonghkwa tsi kanadaye ronénonghtone radighninònre nʼadenàtsera.)

⁹ Ethòne tentahhonwenhaghse, ne Samaria-haga onheghten oghniyotyéren, Jewshaga se nʼaghsyadòten, ok ighseghre enyonknègon nʼaknegira, Samaria-haga se niih; iken ne ne Jewshaga yaghothènon tehondadsteristha ne Samaria-haga.

¹⁰ Jesus tʼhodady ok wahsʼhakawenhaghfe, togat nonken enserighwayenderhen tsinisʼhakàwen ne Niyoh, ok nene onghka nonwa waghyènne kasha nʼaknegìra; ise denghnon àeghtsenègen ok aghyaghnégon ne yonhe onwe ne kaghnegòten.

¹¹ Nene Onheghtyen tentahhonwenhaghse, Sewenníyoh, yaghnahhoten te sayen nʼasnegojenghthak, ok yoghsonwis tsi kaghnégon kàh kadi enteshàwight nʼetho ne yonhe onwe ne kaghnegòten.

¹² Senha ken ighskowànen tsiniyught nʼeghtsidewanihha Yàkwek, nene sʼhongwàwigh tsi kaghnegon, ok oni ne raonha ne sʼhakoyen-ongonwa, oni raodsèna-ongon radighnegirhaghkwe ne sagat.

¹³ Jesus tehharighwaseràgon ok rawen onghka kiok enhaghnegíren ne ken ne kaghnegòten, enshonyadadhense.

¹⁴ Ok onghkakiok raghnegírhen oghneganoghs nene iih enhíyon yaghnonwèndon tʼensahhonyadat-hense; ok ne oghneganoghs ne iih enhíyon ne enkenhak ne yoghnawenrotte nene eghyaweghtonhatye tsinonwe tsiniyehenwe enyákonheke.

¹⁵ Nene onheghtyen tahhonwenhaghse, Sewenniyoh tàkon ne kengh ne kaghnegòten, nene yaghten ensewakonyadathenghse yaghoni tʼaonseknegakohha ne kentho.

¹⁶ Jesus wahsʼhakawenhaghse, wa-as, yaghtshinonk ne tesenideron ok kàro tendasseneght.

¹⁷ Ok ne onheghtyen, tagènron, yaghten wakenyàkon, Jesus waksʼhakawenhaghse, wateserighwayérste tsi waghssron, yaghten wakenyàkon.

¹⁸ Iken wisk ne sennyakòne ok ne nonwa isenese yaghten senninyàkon, ne kadi togenske, tsi nʼaghsyére.

¹⁹ Ne onheghtyen wahhonwenhaghse, Sewsen-niyoh, Prophet na-ah nʼise tsi tewakyadoreghtha.

²⁰ Dhinnih hògon tsi yononde ne keogayen wahhonwanidenghtàse ne Yehovah, ok sewenyon nʼise, Jerusàlemne naah ne yoweyenston tsinonwe nʼongwe enhontsèrist ne Rawenniyoh raoriwa.

²¹ Jesus. Wahsʼhakawenhaghse, Sennheghtyen, aghserhek enwaderighwihhewe, nene yaghten tsi yononde ne kengayen yagh oni Jerusalemne tenhonwanidenghtase ne Ranihha.

²² Yaghten sewarighwayenderi nahhoten sewani-denghtase, ok niih yakwarighwayenderi ne nahhoten wakwatsteristha, iken ne Jewshagage nonga yekariwayen ne salvatione, (nene enyondadyadàgon.)

²³ Ok enwaderighwihhewe ok onen nonwa watkayèrine, nene togenske ronderennayeghs, kanigonràge enhonwanidenghtase ne Niyoh ok nene togenske onwe; iken ne Ranihha etho niyought sʼhakoyadísaks enhonwanidenghtase.

²⁴ Kanigonra naah ne Níyoh: ok rononha nene ronwanidenghtase, kanigonrage ok oni togenske onwe etho nʼenhadíyere.

²⁵ Nene onheghtyen sahhonwenhaghse, kerighwayenderi entre ne Messias, nene Christus ronwayats, ethone neonen enrawe agwegon ensʼhongwarighhoktaghse.

²⁶ Jesus wahsʼhakawenhaghse, nene nonwa koghtharàne iih naah nʼetho.

²⁷ Ethone sahhonéwe ne raotyonghkwa ok wahhodineghrago tsi tehodightare ne onheghtyen, yagh sàne onghka teyakàwen, nahhoten ighseghre? oghneyotyèren tsitesenighthare?

²⁸ Ethone ne onheghtyen sʼoughdéndi ok tegayen ne yoghnegagohhenghne, ok eghsàweghde tsi kanàdayen neoni wa-kawenhaghse ne radinakere.

²⁹ Kassewe, eghtsisewatkensère ne rongwe ne ne agwegon rakerighhoktaghse tsiniwakyéren tsinahhe, yagh ken ne tʼenkenhak ne Christus.

³⁰ Ethone wahhadiyàgenne tsi kanadayen ok egh wahhonewe tsi renderon.

³¹ Aghson tsi egh ne waderighwihhawise, ne raotyonghkwa, ronwénni, Sewenniyoh sennyahhek.

³² Ok saghsʼhakawenhaghse, wakèhkwayen ne enkeke nene yaghten sewayendèri.

³³ Ne kadi wahhoni rònen ne raotyonghkwa ok ne rononha-on, ronwanònten onghte ken ne kahkwa.

³⁴ Jesus waghsʼhakawenhaghse, ne naah nʼàkehk-wa ne enkaderighwaghtendyat tsinihonigonghro-ten ne rakhennha-on ok enkeweyenendane ne raoyodenghsera.

³⁵ Yagh ken tesewen, aghson kayèri niweghnidage yeyodadenron, ethone enwaderighwihhewe tsinenyennekerìyake, onen, wakwenhaghsè, sewatkaghkwarighsyon, ok sewatkaghtho tsi kaheghtayendon, onen se wakenràgenne ne yodòne tsini yoweyenston enyéyake.

³⁶ Ok ne raonha ne ranekerìyaks ronwadenghraghserons, ok raròroks ne wadonyanyon, ne énhoyendatye tsi eterna adonheta, nene aontyesènhak ne rayenthoghse ok oni ne ranekerìyaks enskatne aghyadonhàren.

³⁷ Eghnonwe yaweght togenske ne yondon, sʼhayadat rayenthoghse, ok tesʼhayadate ranekeríyaks.

³⁸ Kwannha-on ne ensewanekeríyake tsi nonwe yaghten sewayode-on; oya nʼongwe yakayòdeghwe ok tsi sewadaweyàdon raodiyodenghseràgon.

³⁹ Ok yawetowànen ne Samaria-haga, tsi eghkanadayen radinakere wathoneghtaghkon raonhàge, ne aoriwa tsiniyakawen nʼonheghtyen, tsiwaontrory, agwegon ne wahhakherighhoktaghse tsiniwakatyèren tsinahhe.

⁴⁰ Ethone se ne onen ne Samaria haga wahhon-wayadòrenne, wahhonwarighwanegen, nʼetho enhattyen tsi radideron; ok tekeni egh waghreghniseròkten.

⁴¹ Ok yawetowanen nʼoya teyakaweghdaghkon ne aoríwa raonha raowenna.

⁴² Ok wakonwenhaghse ne onheghtyen, onen nonwa teyakweghtaghkon yagh ne te gen ne ok aoriwa tsinisayeren: iken sakwawennaghronken oni niih, ok wakwaderyendare nene kengayen togenske onwe naah ne Christus, nene ensʼhakoyadàgon ne ongwe.

⁴³ Tekeni tewada Oghnagenke eren sàregde, ok Galileetseràgon wàrawe.

⁴⁴ Iken Jesus raonha ok rorighwadadigh, nene Prophet yaghten honwarighwakonyensten raonha agwagh tsi ranakere.

⁴⁵ Ethone ne onen yeharawe Galileetseràgon wahhonwadeweghkwen ne Galilee-haga, ronaderighwatkaghtho se yorighwagwegon tsinihoyéren Jerusalemne tsi wadennyode, iken rononha egh radiyadareghkwe.

⁴⁶ Etho sarawe ne Jesus tsi Kanadaye ne Cana-Galileetseràgon, tsinonwe Oghneganoghs wine wahha-onyon, ok rayadatogen ne Royaner nene roye-ah egh si wahhononghwaktane Capernaum nonwe.

⁴⁷ Ne onen wahhàronke tsi eren rawenonghton ne Judea, ne Jesus ok Gallileetseragon isrese, egh wàreghde raonhage, ok wahhorighwanegen nene aontahhaghkete ok ensʼhotsyende ne Royeah iken onontohha aghrenheyen.

⁴⁸ Ethone Jesus wahhawenhaghse, togat nonken yaghten ensewatkaghtho wadennageraghtanyoh ok ne yorighwaneghragwaghton, yaghten aonteseweghdaghkon.

⁴⁹ Ne Royaner wahhawenhaghse, Sewenniyoh karo daseghtha arekho aontaghrenhheyen ne rihhàwak.

⁵⁰ Jesus sahhawenhaghse, wa-as ronhé ne eghtsye-ah, ok ne rongwe wathaweghdaghkon ne owènna ne ne Jesus tʼhodadigh raonhhage ok egh sʼhawènonghton.

⁵¹ Ok aghson tsi raghdentyon hatye wathonderane ne sʼhakonhase, ok ronwaghròry, yakìweahàtye ronhè nʼeghtsye-ah.

⁵² Ethone wahsʼhakorighwanondonse tsini kahhawisgwe tsi wa-ondaghsawen ensahhayewènndane, ok sahhonwenhaghse, dédenre nene tsyàdakhadonthour sʼonghtkawe tsi rodongwarhonghsgwe.

⁵³ Etho roderyenndare ne ronihha ne ne agwagh egh ni kahhàwisgwe ethone ne Jesus wahhawenhaghse, ronhe ne eghtsye-ah, ok ne raonha oni agwegon ne raononghsagon wathoneghtaghkon.

⁵⁴ Ne ne kengayen àre ne tekenihhadont miracle (yorighwanneghragwaght) tsini hotyèren ne Jesus ethone tsi sʼhoyagen-on ne Judea, Galileetseragon tsi yehàrawe.