John 3 - Ne Saint John 1804

CHAP. III.

¹ Sʼhayàdat ne rongwe tsini kentyoghkoten ne Pharisees, Nicodemus ronwayatskwe rakowanen ne ne Jewshaga.

² Ne sagat egh wareght Jesusne Aghsenthenge, ok wahhawenhaghse, Rabbi, wakwayènderene scrighhonyèní Niyoghne tesyenghtaghkwe, iken yagh onghka nʼongwe tʼayegweni etho ne éyere tsiniyo-righwaneghragwaghte ne satyerha, togat yagh Niyoh tʼaghncseke.

³ Jesus tentahhadady ok wahhawenhaghsc, togenske, togenske onwe, wakoghròri, togat yagh àse tʼenshonwadewedon yaghten ahagweni ahatkaghtho ne raoyanertsera ne Niyoh.

⁴ Nicodemus wahhawenhaghse, oghna-awan enshonwadewedon ne rongwe onen tsi roksten, ahagweny ken ne tekenihadont enshadaweyat tsiwadewedonghkwa neronistenha ok aonsahonwadewedon?

⁵ Jesus tenfcahhady, togenske, agwagh togenske wakoghròri togat ne rongwe yaghtʼen shonwadewedon oghneganoghsne, ok oni kanigonghriyostogne, yaghten ahagweni enhadaweyat tsi raoyanertsera ne Niyoh.

⁶ Tsi ok nahhoten waondewedon tsiniyought nʼowàron, owàron naah; ok nene waondewedon tsiniyought ne kanigonra kanigonra naah.

⁷ Toghsa saneghràgo tsi waken, àse enyetshiya-dewedon.

⁸ Nene ok tekawenniyoh tsi yaoda dvese, ok sathonde tsi karitstare, yagh denghnon te sadogense tsinidyawénon tsi oni ne yawènonhatye egh kadi níyought agwegon waondaddewedon ne Kanigonhgriyostogne.

⁹ Nicodemus tentahhadady ok wahhawenhagbse ughna-awenne ne kengayen.

¹⁰ Jesus teharighwaseragon ok wahhawenhaghsc, itkowànen kadi ken ne Israelhaga, ok yaghten serighwayendèri ne kengayen.

¹¹ Togenske, togenske onwe, wakoghrory, wawaghtharaghkwen ne ne yakwarighwayèndèri, ok sàyakwatrory ne nahhoten wakwatkaghtho, yaghoni te sewatsteristha tsini yakwarighhòten.

¹² Togat nonken wakwaghrory tsmiyoderiwayeu rʼoghwhenjage ok yaghten teseweghtaghkon, oghnen-awen aonteseweghtaghkon nene enkwaghrory tsinikarrihhoten ne Karònyàge?

¹³ Yagh onghka nʼongwe eneken teyakawenonghton Karonyàge ok ne raonha nʼegh thoyenghtaghkwen ne Karonyage ne naah ne rongwe ronwayeah ne ne Karonyage yehenderon.

¹⁴ Ok tsiniyought ne Moses tʼhoketskwen nʼonyàre karhagon, etho oni nen yàwenne nʼongwe ronwaye-ah enhonwaketskwen.

¹⁵ Nene onghka kiok teyakaweghdaghkon raonhage yaghten a-onghtonde ok rodiyen ne eterna adonheta.

¹⁶ Iken ne Yehovah egh ne sʼhakonoronghkwa nʼongwe, nene rodewendeghton nene raonhàon rodewedon rohhàwak, nene onghka kiok teyakaweghdaghkon raonhage yaghten a-onghtonde, ok denghnon aontehodiyendane ne eterna adonhèta.

¹⁷ Iken Niyoh yaghten yehonhà-on ne roye-ah nʼoghwhentjàge ongweghne nene enshakodewendeghte nʼongwe, ok nene aontyesenhak raonha raoríwa nʼongwe enshonwadiyàdagon.

¹⁸ Raonha nene tehhaweghtaghkon raonhage yaghten enhonwadewenndeght, ok raonha nene yaghten tehaweghtaghkon a onen si ronwadewenndeghton, ne wahhòni tsi yaghten tehaweghtaghkon ne raoghsenagon ne raonha-on rodewedon tohhàwak ne Yehovah.

¹⁹ Ok kengh nen yàwen tsi waondaddewènndeght, nene kaghswathctsera wa-onwe nʼoghwhèngage, ok nʼongwe senliha wa-enònwene tsi tyòkaras tsiniyought tsidyoghswathèt, ne wahhoni tsi karighwaksen tsinihontyerha.

²⁰ Iken agwegon ne wahhetken yontsteristha, yeghswenghse tsi teyoghswathet, yaghoni tʼenyonwe tsi deyoghswathet togat nonken tsini yontyerha aonteyerighwaddedeghten.

²¹ Ok raonhha nene togenske tekarìghwayèri tsinihatyèrha egh entreghte tsi deyoghswathet, neneaontyescnhak tsinihatyerha aonderighhowanaghie, tsi Rawenniyògc ne kaweyenenda-on.

²² Oghnagènge Jesus ok ne raotyoaghkwa wahhonewe Judeatseràgon: ok egh yehònesgwe, ok waghsʼhakoyatise.

²³ John oni sʼhakoyatìsen-onhatye Enontséragon nene Salem niyoré-ah, iken eso egh kaghnegayen daghkwe oni egh wahhonewe ok wahhonwadiyatise.

²⁴ Iken John arekho te ronwayadinyenten tsi yondaddenhodonghkwa.

²⁵ Ethone watyorighwakédodhen wathonderighwagènni oddyake ne John raotyonghkwa, ok ne Jewshaga tsinayoughton enyondadyadohharehha.

²⁶ Ok eghwahhòncwe Johnne, ok wahhonwen-hàghse, Rabbi, raonha nene ycharawe tsiyésesgwe Jordan isi nongadih, nene wasatròri tsihorighhònden nʼetho sagat sʼhakoyarisen-onhatye, ok ongwe hogon eghwaonderoroke raonhhage.

²⁷ Ok John teharighwaseràgon, ràwen, yagh nahhoten tʼenhoyendane nʼongwe, ne ok ne Karonyage aontahhonwawih.

²⁸ Ise sewarighwayenderi nene waken, yagh niih degen ne Christus ok ne raohhendon yeyonenhà-on.

²⁹ Raonha ne waghyàtye ne kayàdase ne naah wahhonyake: ok denghnon ne yadènron ne ronyàkon nene tsi egh írade rowenna thònde eso wahadonhàren, ne aoriwa ne raowenna ne ronyàkon. Ne kengayen kadi nonwa watkayérine tsi niih ne wakadonhàren.

³⁰ Raonha enhakowanha, ok iih ensewaderàgon.

³¹ Raonha nene enegen tʼhoyenghtaglikwen agwegon sʼhakodongoghtenni, nene oghwhentjage ranakere etho yaweght ne hayadoten ok oni ne oghwhentja roghtharaghkwen, ok ne Karonyàge tʼhoyenghtaghkwe, agwegon yesʼhakodongoghten.

³² Ok ne nahhoten rotkaghtho oni rothònde, ne rarighwatroryàtha ok yagh onghka te yakoyèna tsinihorighhòten.

³³ Raonha nene royèna tsinihorighhòten roweyenenda-on ne raonigonragon tsi togenske naah ne Niyoh.

³⁴ Iken raonha nene Niyoh ronha-on, nene raowenna-ogon ne Niyoh tehawenninagen-onhatye, iken ne Niyoh yaghten ne adenyendensta tehotyéráton tsi ronigonghràwi.

³⁵ Iken ne Ranihha ronoronghkwa ne royeah, ok yorighwagwegon ne rorighhondyeghton.

³⁶ Raonha nene tehaweghtaghkon ne Royeah tsiniyehenwe aghronheke, ok nene yaghten tehaweghtaghkon, yaghten enhatkaghtho ne yonhétséra, ok ne raonakwenghsera Niyoh enhonwatyese.