John 2 - Ne Saint John 1804

CHAP. II. 1 Christus oghneganoghs wine wabha-onyon. 12 Egh sareghde Capernaum ok Jerusalem nongadih. 13 Ok sabharakeʼwe ne Templetseragon.

¹ Ok ne Aghsen ne weghniseragehhadòritégh yakodenyòdaghkwe tsi wa-akonyake tsì kanadaye ne Cana Galileetseragon ok ne Jesus ronisdenha yeyádareghkwe.

² Jesus ok oni ne raotyoghkwa egh oni ronwadighnonken tsi yakodènnyode.

³ Ok ethone tsi wahondòkten ne wine, ne Jesus ronisdenha wahhoyenhaghse, yaghten sʼhodiyen ne Wine.

⁴ Jesus saghshakawenhaghse, senheghtyen oghnahhoten katsteriftaghkwa tsiniserighhoten, arekho se te wakaderighwihháwise.

⁵ Ne Ronisdenha wa-akawenhaghse ne yondaddenhase, tsioknahhoten enghtsisewenhaghse, eghnʼensewayère.

⁶ Neoni etho waéyen yayák ne onenyage yeghnegaraghkwatha, yaweght tsiniyeweyenòten ne Jewsaga tsi waondyadohharehha ne ne toghka gallon enwèdake.

⁷ Jesus waghsʼhakawenhaghse sewánaghne ne yeghnegaraghkwathaogon oghneganoghs, ok waenaghne.

⁸ Ok waghsʼhakawenhaghse, sewaghnegadaghkwen ok eghsewahhawighte tsidhenderon ne ratsteristha nʼadènnyode, ok egh wa-ehhawighte.

⁹ Ne onen ne ratsteristha tsiyakodennyode rotkènse nʼoghneganoghs nene wine yaweght yodòn, ok yaghten hodogense tsinonwe tayehhawe: (ok ne ronwadinhase nene radighnegadaghkwen ronaderyendare nene) ne ratsterislha nʼadènnyode tahhònonke nene onwa wahhonyake.

¹⁰ Ok waghrenhaghse, agwegon nʼongwe yaweght tsidyodaghawen ethone waégéron ne kaghnegiyose; ok onen, tsi eso yakoghnegiren ethone nene tyòdokte, ok ise denghnon ok onwa wasadaghsyon ne kaghnegiyo.

¹¹ Nene kengayen tsidyorighwaghsawen ne yoneghragwaghtenyon nʼaorihhòten, tsidkanàdayen ne Cana ne Galileetseràgon etho ne hoyèren ne Jesus, ok waonderighhowanaghte raogloria, ok ne raotyoghkwa teyakaweghdaghkon.

¹² Oghnagenke raonha, ne ronisdenha, rondaddegen ogònwa ok oni ne raotyoghkwa, egh wahhoneghte Capernaum ok yagheso egh te hodeghniserókten.

¹³ Ok onontohha emvaderighwihhewe ne raodeghniscra ne Jewshaga nene eren wa-ondongoghte (ne passover), ok Jesus Jerusalemne yehharawe.

¹⁴ Ok kanonghsagon nʼononghsadogenghte ne Temple, egh waghsʼhakòrane ne rononha ne rondeaghnínons ne tehunhenskwàra, teyodinagarondon ok oni oorìde, oni ne rondaddawighs nʼoghwisda, etho radíderon.

¹⁵ Ok ne onen waghroni ne yeghsoghkwawissaaghta, atste waghshakoyadinnegenhon, ok oni ne teyodinagarondon ok ne tehunhenskwara; ok wahhawerenton ne raodighwisda, oni wahhatkarhatho ne attegwaraghhogon.

¹⁶ Okwahsʼhakawenhaghse, ne ooríde rondenghnínons, eren sewahhàwighte ne kengayen, nene Rakenhha tsi roncmghsode toghsa etho enkenhak tsi yondeaghninontha.

¹⁷ Ok sahhoneghyàrane ne raotyonghkwa tsi kaghyàdon, tsini yoghskenha ne sanonghsode ne yohkwennda-on tsikonhe.

¹⁸ Ok tahhondady ne Jewshaga wahhonwenhaghse, oghnahhoten adennagèraghton askwanadonhaghse tsi kengh ne satyerha.

¹⁹ Jesus tentahhadady ok waghsʼhakawenhaghse, sewanonghsarighsy ne kengagen Temple, ok aghsen niweghniserage ensekeketskwen.

²⁰ Ethone wahhoniron ne Jewshaga, kayeri niyoghseraghsen ok yayak yawenri tsinahhe waeweyenendane ne kengayen temple, ok ise aghsen ken ne weghniserage ok enseketskwen.

²¹ Ok raonha ne radadditon ne raoyeronke yaweght ne temple.

²² Ethone kadi tsi shotkeskwen tsi rawenhèyoghne, ne raotyoghkwa sahhoneghyàrane tsi ne kengayen waghsʼhakawenni ok wathoneghtaghkon ne kaghyadoghseradogenghte ok ne ne Jesus tehowenninegeon.

²³ Ethone tsi eghyeresgwe Jerusalem, ne tsi eren waondongoghte tsi waondennyóden, eso wathoneghtagkon ne raoghsennagon, ethone tsi wahhontkaghtho ne yorighwanneghragwaght tsinihotyèren.

²⁴ Ok denghson Jesus yaghten hodadyadodaghsyon rononhage, ne wahhone tsisʼhakoyenderhe-on agweson nʼongwe.

²⁵ Yagh oni tehodoghwhenjonighni ahonwaghrory tsiniyought nʼongwe; iken roderyendare tsi nahhóten ongweghne iddewat.