John 17 - Ne Saint John 1804

CHAP. XVII. 1 Christus wahhaderennaye ne ne Ranihha enhogloriste, 6 oni enshakoyadanonghstat ne raotyonghkwa 11 nene skanigonghratne, 17 oni ne togensketseragon.

¹ Ken ne kawennage Jesus wahhadadi, oni Karonyage ne wahhatyèrate tsi wahhatkaghtho, ok rawen, Rageni onen wa-onderighwihhewe; eghtsgloriste ne Eghtsye-ah, nene Eghtsye-àh oni aghyagloriste ne íse:

² Tsiniyought tsi waghtsgwennyohtferawi nene enhowenniyoste agwegon ne owaron, nene aonteshakawen ne eterna adonhèta tsini yakon ne waghitsyongwedawigh.

³ Ok ne kengayen naah ne eterna adonhèta, nene aontayesayenderihek ne ne sonhha-on ne togenfke Yehovah, ok ne Jesus Christus nene eghtsennha-on.

⁴ Onen tsi wakogloriste ne oghwhentjage: onen wakeweyenenda-on, tsinahhoten takerihhondane.

⁵ Ok onen nonwa, Rageni, agwagh ise takegloriste, ne ne gloria ne enskatne yonkeniyendaghkwe arekho tsi yoghwhentjade.

⁶ Onen tsi wakerihhowanaghton ne saghsenna ne ongweghne ne tsinihadi waskyongwedawigh ne oghwhentjage: ise naah sewennìyoghkwe, ok Iih takwawigh; ok onen tsi rodiyenawagon ne sawènna.

⁷ Onen nonwa wahhedidògense nene yorighwagwegon tsiok nahhòten waskwawigh ise naah tekayenghtaghkwe.

⁸ Iken onen tsi kerighwawigh tsini kawènnage ne waskwawigh, ok oni rodiyena, oni yeyoddogeon rodinigonghrayenda-on tsi isege tewakyenghtaghkwe, oni wathoneghtaghkon tsi waskenha-on.

⁹ Wakaderennayen rononha raoderíwa: yagh ne ne yoghwhentjagwegon aoriwa ten wakaderènnayen, ok denghnon rononha raoderìwa ne waskyongwedawigh; iken ne sewenníyoh onwe.

¹⁰ Ok agwegon nene Iih kewenníyoh ise oni sewenníyoh, oni ne sewenniyoh Iih naah kewenníyoh; oni rononhatseràgon wa-onkegloriste.

¹¹ Ok onen nonwa yagh sʼhegon ten íkese ne oghwhentjage, oni Iih isège wakeghte. Sayadadogenghti rageni, saghsènnagon enseyenawagonhek rononha nene waskyongwedawigh, nene enskat enhondon, tsiniyought nʼIih.

¹² Aghson oghwhentjage yeyakwesgwe, saghsennagon tsi keyenawàgon, rononha nene waskwàwigh ok onen tsi keyenawàgon, ok yagh onghka tsini hadi ten honadyadaghtonden, neok raonha-on ne waghtonden ronwayen; nene aontakarighwayerine ne kaghyadonghseradogenghti.

¹³ Ok onen nonwa isege wakeghte, ok ne kengayen wakthare ne oghwhentjage, nene aontakayerine akwaddonweshentsera rononhatseràgon.

¹⁴ Kerighwàwigh ne sawenna; ok ne ongwe wahhomvadighswen, ne wahhone yagh ongweghne ten hadiyàdare, nene agwagh tsiniyought nʼIih yagh ongweghne ten ikyàdare.

¹⁵ Yaghten wakaderònnayen nene èren aonteseyadenhhàwighte ne oghwhentjage, ok denghnon nene enseyadanonghstat nene yaghten enhaderighwàrane ne wahhetkenehsera.

¹⁶ Yagh oghwhentjage ten hadiyàdare, agwagh tsiniyought nʼIih yagh oghwhentjage ten ikyàdare.

¹⁷ Seyadadogenghtiste ne togeniketseràgòn; togenske naah ne sawènna.

¹⁸ Tsiniyought nʼIse oghwhentjage waskennha-on, agwagh etho niyought rononha ne wakenha-on; ne oghwhentjàge.

¹⁹ Ok oni ne raoderiwa wakadyadaddogenghtiste, ne ne rononha oni togensketseràgon aontehonwadiyadadogenghtiste.

²⁰ Yagh oni ten wakaderènnayen nononha; ok raoderiwa, ok denghnon rononha oni honeghtaghkon Iihne ne yorihhòni ne raodiwenna.

²¹ Nene radigwegon enskat enhonàdon; tsiniyought ise Rageni Iihne teghsíderon, oni nʼIih isege yekíderon, nene rononha oni enskat aontehonàdon onkyohhàtseràgon; nene oghwhentjagwegon aonte honeghtaghkon tsi ise takenha-on.

²² Oni ne gloria ne takwawigh kheyawigh-ne rononha; nene enskat aontehonadon, agwagh tsiniyought nʼIih enskat yaweght:

²³ Iih ne rononhatseragon, ok ise ne Iihne, nene aontehonwadikwadàgon tekarighwayèri aontehonadon enskatne, oni nene yoghwhentjagwègon aonte-yakodògense tsi ise takennha-on, oni tsì washenoronghkwa tsiniyought nʼIih tsi waskenoronghkwa.

²⁴ Rageni, ikeghre oni nene rononha ne waskyongwedawigh etho enhoneseke tsi-ikese: nene aontehonderighwatkaghtho akgloria nene waskwawigh: iken onen tsitakenoronghkwa arekho tsi-yodoghwhentjadaghsawen.

²⁵ Ragenihtseríyoh, ne ongwe yaghten yesayenderhe-on: ok denghnon Iih wakoyenderhe-on, oni ne kengayen onen tsi rodidogènse tsi takennha-on.

²⁶ Ok oni onen tsi wakerihhowanghten rononhage ne saghsenna, oni enkerihhowanaghte ne etho: nene tsinikanoronghkwatseròten tsi takenoronghkwa rononhage aontekennderondak ok Iih ne rononhage.