John 13 - Ne Saint John 1804

CHAP. XIII. Jesus ranohharehha radighsige ne Raotyonghkwa.

¹ Onen nonwa arekho te wadènnyode ne tsi eren wa-ondongoghte, ne onen Jesus roderyendare onen watkayèrine ne raohour nene eren aonsareghte ne ken yoghwhentjade tsi renderon ne Ranihha, ok tsiniyought tsi sʼhakonoronghkwaghkwe ne shakowenniyoh ne oghwhentjage, onen tsinaonderihhokte wasʼhakonoronghkwa.

² Onen kadi tsi rodihkwennda-on, ne onegh-shonronon onen tsiroweyennenda-on ne Raweryaghsagon ne Judas Iscariot, nene enhonikonghràsere.

³ Jesus tsi roderyendare ne ne Ranihha yorighwagwègon rasnonghsagon rorighhontyeghten, ok oni tsi egh tʼhoyenghtaghkwen Yehovaghne, etho oni Yehovaghne aonsareghde.

⁴ Tentahhadane tsi ratikonihhaghkwe, ok akde wàhhàyen raonèna: oni Watraghkwe yerakewaghtha onyadarà-a, oni ne wahhodyadanha.

⁵ Oghnagen wahhaghnekàweron keratne, oni wahhadaghsawen wahhanohharehha radighsíge ne raotyonghkwa, oni ne wahharakewaghte ne onyadarà-a nene rodyadanha ne ràtha.

⁶ Ethone tsi warawe tsi rennderon Simon Peter; Peter wahhawenhaghse, Sayàner, senohharehha ken aksíge?

⁷ Jesus tahhariwaghseràgon, oni wahhawenhaghse tsiniwakyèronhatye yaghten saderyendare nonwa; ok denghnon oghnagenke ensadogense.

⁸ Peter wahhawenhaghse, yagh nonwenndon tʼensennohhare aksíge. Jesus sahhawenhaghse, togat yaghten enkennohhare ise, yaghten isyàdare iihne.

⁹ Simon Peter wahhawenhaghse, Sayàner, yaghte neok aksíge, ok denghon oni kesnonke oni kenontsine.

¹⁰ Jesus waldiawenhaghse, raonhha nene wahhonwannohhare neok teyodoghwhentsyohhon ne raghsige enyennohhare, ok kaweyenennda-on ronwannohhareghtsihon, oni yetshinnohhare, yagh denghnon ne sewagwegon.

¹¹ Iken roderyendare onghka enkenhak enhonigonghràsere ne wahone rawen, yagh agwegon ten yetshinnohhare.

¹² Oghnagen kadi tsiwahhannòhhare ne ne radighsige, oni teshoghkwen raonèna, oni tsi sahhatyen, walishakawenhaghse, sewayenderi ken tsini wakwayèren?

¹³ Takwanadonghkwa, Sewenniyoh oni Sayaner: oni tesewarighwayeritse; iken togenske naah.

¹⁴ Togat iih kadi, ne eghtsisewawenniyoh oni eghtsisewayanèda, wakennohhare sewa hsige; ise oni aontetsyadaddennohharehhen sewaghsíge.

¹⁵ Iken kwarighwàwe ne enfewaddennagéraghte, nene etho nʼensewàyere tsi niih ne wakwayèren nʼise.

¹⁶ Agwagh togenske, togenske, wakwenhaghse, ne ronwanhase yagh senhha tehakowànen tsi niyought ne Royaner; yagh oni raonhha ne ronwanha-on senhha te hakowanen tsiniyought raonhha nene ronha-on.

¹⁷ Togat sewarighwayenderi ne ken ne karjhhotense, sewayadadèri naah togat aontesewarighwayèrit nʼetho.

¹⁸ Yagh ne ten kwaghtharaghkwen sewagwegon; kheyenderi tsinihadi keyadaragwenni; ok nene kaghyadonghseradogenghti, aontekarighwayèríne, Raonhha nene teyakyadonts kanadarohk tsi kideron, ok teyodasharàtegh rakwasenghtani.

¹⁹ Onen nonwa kwaghròri arekho tʼenwaderighwihhewe, nene ethone neonen wa-onderighwihhewe aonteseweghdaghkon tsi iih naah nʼetho.

²⁰ Agwagh togenske, wakwenhaghse, Raonhha nene wahhoyèna onghka kiok enkhennhane, Iih ki yaweght wahhakyèna; ok ne raonhha nene iih wahhakyèna, ne wahhòyena raonhha nene rakhennha-oni

²¹ Neonen Jesus etho nihoyèren, wahharonghyagen raonigonragon, ok tahhàrighwatròri rawen, Agwagh togenske, togenske wakwenhaghse, nene sʼhayadat tsinitsyon enhakenikonghràsere.

²² Ethone ne Raotyonghkwa ok tehondadkanere, teʼnonaderighhodarhòse onghka enkenhak ne ròdon.

²³ Onen nonwa egh yehotkònha ranaghsgwage Jesus, sʼhayadat tsini hadi raotyonghkwa, nene Jesus ronoronghkwaghkwe.

²⁴ Simon Peter kadi yehodedogàtha, nene en-horighwanòndonse onghka enkenhak ne roghtharaghkwen.

²⁵ Ethone ne raonha nene ratkonhhaghgwe Jesus Ranaghsgwage wahhawenhaghse, Sayaner, onghka naah?

²⁶ Jesus tentahhawen, raonhha naah nene èn-hínonte teya-ongoghton kanadaròhk, neonen enwakennànawenghte. Oni kawenniyoh tsi ronanawenghton ne kanadarohk tahhòyon ne Judas Iscariot, ne Simon Roye-ah.

²⁷ Ok oghnagenge tsiròkon, Satan wahhodaweyaden. Ethone Jesus walihawenhaghse tsini sen-yende, serighwagnsnòrat.

²⁸ Yaghonghka nonwa ne atehkwarakta radideron te yakoderyendare, tsinahhoten ireghre tsi ne wahhawenhaghse.

²⁹ Iken oddyake tsinihadi ok te honeghre, ne ken wahhone tsi rahhawe ne kàyare ne Judas, nene Jesus wahhawenhaghse, aghsnínon tsinahhòtense teyongwadonghwentsyons tsi wadènnyode; togat oni, nahhoten aonteshakàwen ne yakodenght.

³⁰ Ethone neonen tsiwahhayèna ne kanadarohk, oksaok sahhayàgenne; oni onen tsi tyokaras.

³¹ Etho kadi, neonen tsi sʼhoyage-òn, Jesus rawen, onen nonwa wahhonwagloriste ne Rongwe Ronwayeah, oni raonhhatseragon wahhonwagloriste ne Niyoh.

³² Togat nonken ne Yehovah raonhhatseragon enhonwagloriste, Yehovah oni enhogloriste raonhhatseràgon, oni yokondattye enhogloriste.

³³ Sewaksàda, shegon neyorighwessa aghson iddewese. Enghskwayadísake, ok, tsinikheyeràse ne Jewshaga, tsiniyehenke yaghten yaweght yensewawe; etho, oni nonwa ne kwayeràse.

³⁴ Ase ne kwarighwàwi, nene entsyadaddenoronghkwake; tsiniyought niih tsikwanoronghkwaghkwe, etho oni niyought aontesewadaddenoronghkwak.

³⁵ Etho nenyàwen agwegon ne ongwe enyakodogense nene ise naah ne aketyonghkwa, togat nonken sewadaddenoronghkwa.

³⁶ Simon Peter wahhawenhaghse, Sayaner, kàh waghse? Jesus sahhawenhaghse, tsini yehenke yaghten yaweght nonwa asknonderatyeght; ok denghnon oghnagen asknonderane.

³⁷ Peter wahhawenhaghse, Sayaner, oghne yotyèren tsi yaghten yaweght enkoghnonderatyeght nonwa? yodòn se aontekadewenndeghte tsi konhe, ise serihhòni.

³⁸ Jesus tentahhawenhaghse, yodòn ken aontesadowenndeghte tsi sonhe iih akerihlioni? agwagh togenske, togenske wakoyenhaghse, ne kitkit arekho tʼenwadadihhek, ok aglisen nʼaghsadonnhiyen tsi takyendèri.