John 12 - Ne Saint John 1804

CHAP. XII.

¹ Ethone yayak ne weghniferage arekho sontewaderighwihhewe nene eren waondoagoghte, Jesus warawe ne Bethani, tsirenndetondaghkwe ne Lazarus, nene rawenhhèyoghne, neoni ne shoketsgwen tsihawenhhéyon.

² Etho nonwe wahhowahkonyon ne tyokaraska, oni Martha wa-ontsterist: ok Lazarus naah tsinihadi ne wadògen wahhontye tsi kàhkwahraghkwe.

³ Ethone wàtkaghkwe ne Mary skakonghtserat ne ne kanonghkwatseròten ne spikenard, nene, agwagh kanòron, oni wakarhon ne raghsíge Jesus, ne aononghkwiss ne wa-erakéwenghte ne raghsige: ne kanonghsagon agwagh wakanànon tsinikaseròten ne ononghkwa.

⁴ Ethone wahhenron sʼhayadat ne raotyonghkwa, Judas Iscariot, Simon roye-ah, raonha ne yawèron enhonikonghràsere.

⁵ Oghne yotyèren yaghten yakodenghnínon ne ken ononghkwa aghsen tewennyawe pennys sadenyonènon, oni aonteyondaddawi ne yakodenght?

⁶ Yagh ne ten hawen tsinisʼhakonikònrare ne yakodenght; ok denghnon ne aoriwa tsi ranenghsgwas, oni tsi rahhawe ne kàyare, ok oni tsinàhhòten nʼetho wa-èyen.

⁷ Ethone Jesus wahhenron, yaweronhatyé nissa: ne se tsinenwadeghniserihhewe tsinenyonkyadathen ne yoghsennòni ne kengayen.

⁸ Iken ne yakodenght tiutkon wadògen ifewese; ok denghnon niih yagh tiutkon ten iddewese.

⁹ Eso kadi ne ongwe ne Jewshaga rodidogènse tsi etho yèresgwe; oni wahhonewe yagh ne ok ne Jesus raoriwa, ok denghnon oni nene aontehonwatkaghtho Lazarus, nene sʼhoketsgwen tsi rawenhheyoghne.

¹⁰ Ok ne radikowanenghse Cohenàson wathadiyadòreghte, tsina-àwen aontehowaryoh oni ne Lazarus;

¹¹ Ne wahhoni tsi raonha wahhorihhòni yawetowànen ne Jewshaga egh wahhoneghde oni wathoneghdaghkon ne Jesus.

¹² Tsi-wa-orhenne yawetowànen ne ongwe nene egh tʼhonàdi tsi wadènnyode, ne onen wahhodidògense tsi Jesus tentàre Jerusalemne.

¹³ Wathadinhaghtyàkon ne palm kerhidèn, ok wahhonghdendi wathonwadderaghde, oni wahhondewennayèndon, Hosanna: royadadderisten naah ne Rowakorah ne Israel ne ne tàre raoghsènnagon ne Royaner.

¹⁴ Oni Jesus, neonen tsi royadatshenni ne yodonnhiyo adennàdi, egh wahhatye tsi niyought tsi kaghyàdon.

¹⁵ Toghsa tesadonghharènron, Sion yesayè-ah: tsyatkaghtho, sakòrah tàre adennàdi aowna roghsede.

¹⁶ Nene ken tsinikarihhòten yaghten hodinigonghrayenda-on ne raotyonghkwa ne tontyèrenghde: ok ne onen Jesus wahhonwaglorste, ethone sahhoneghyàrane tsi etho ne ronwarihhotenghsten tsi kaghyàdon, oni tsi rononha etho ne karihhòten tsini honwayèren.

¹⁷ Ne ongwe kàdi nene wadògen ronesgwe ne onen tsiyehharonghyehha Lazarus oghwhenjògon tsi yehayadayendaghkwe, neoni sʼhoketsgwen tsi rawenhheyonghne, ne wahhonderighwatròri.

¹⁸ Ne oni aoriwa tsi wahhonwayadisake ne ongwe, ne wahoni tsi ronaghronken tsi etho ne hoyèren ne ken yorighwaneghragwaghte.

¹⁹ Ne Pharisee kadi rondonyon tsi rodighthare, sewaddedogea-onhatye ken tsi yaghothenon ten sewaderighwaghtentyatha? Erongh ken agwegon ne ongwe ronwaghnonderatye.

²⁰ Ok radiyàdare radiyadadògen ne Greek, nene egh wahhonewe tsi wadènnyode nene aonteyenidenghtàse.

²¹ Ne sʼhadiyàdat kadi wahhonewe Philipne ne Bethsaida haga ne Galilee, oni wahhowarighwanegen, rondonyon, Sewenniyoh yakweghre aghfakwàken ne Jesus.

²² Philip yehharawe oni roghrori Andrew: ok àre, Andrew oni Philip wahhowaghrori Jesus.

²³ Ok Jesus tahharighwaseràgon, radonnyon, onen waonderighwihhewe tsinaontahowagloriste ne rongwe Ronwaye-ah.

²⁴ Agwagh togenske, wakwenhaghse, togat ne kànen ne onekare yagh oghwhentjage tʼenkayendane oni aòndakenheye, aonhhà ok enkenhak, ok denghnon togat enkenhheye yawetowànen enkanenhòndane.

²⁵ Raonha nene ranoronghkwa tsi ronhe enhodi naah: ok raonha nene raghswenfe tsironhe ne ken oghwhentjage, ne enhoyendatye tsi nonwe nʼeterna adonheta.

²⁶ Togat nonken onghka ne ongwe rakheghsnyese, kinyoh raksere; ok tsi nonwe niih enkeseke, etho oni aghreseke ne rinhase: onghka kiok ne ongwe rakheghsnyese, raonha naah ne Ragenihha enhokonnyenghst.

²⁷ Onen nonwa yoronghyìgen nʼakertigenra; ok nahhoten enkiron; Rageni takyàdagon eren serighwaghkwit ne ken hour; ok, denghnon ne aoriwa tsi wakerighwaràon ne kengayen hour.

²⁸ Rageni, segloriste saghsenna. Ethone tayowennadatye ne Karonghyàge, wadonyoh, onen wakegloríste ok àre enskegloriste.

²⁹ Ne ongwe kadi ne egh radikennyàde, oni ronathonde, wairon, yoweraghra-onhatye: oya sàyairon Karonghyagegh ronon wahhowènnrane.

³⁰ Jesus tahhariwaghseràgon oni ràwen, ne kengayen tayowennadatye yagh nʼiih akeriwa tegen, ok ise sewarìwa.

³¹ Onen nonwa watkonwayadòreghte ne ken yoghwhentjade: onen ne ronwakowanen ne ken yoghwhentjade enhowayadinnekenhhon.

³² Ok niih, togat nonken enegen enyonkhàwighte ne Oghwhentjage, iihne agwegon enkheyadaddironden ne ongwe.

³³ (Etho ne hoyèren, yaweght ranàdonnyon tsini kenhheyontseròten aghrenhheye)

³⁴ Ne ongwe tehadiriwaghseràgon, wakwaghronken yoghtyawenratseràgon ne ne Chtistus tiutkon aghreseke; ok òghne yotyèren, tsisàdon. Ne Rongwe Ronwayeah enegen enhonwenhhawighte? Onghka ne gen ne Rongwe Ronwaye-ah?

³⁵ Ethone Jesus wahshakawenhaghse, sʼhegon oghstonha aghson kaghswathetseràyen tsi isewese: tsyathahhak aghson sewaghswathetseràyen, nene yaghten ensewàkaraghwe: iken nene tsi tyokaras ire yaghten hayendèri tsini yehhare.

³⁶ Aghson sewaghswathetseràyen, teseweghdagh-kon ne kaghswathetsera, nene yetshiye-ah enkenhak ne kaghswathetsera. Etho ne karihhòten tʼhodadi Jesus, ok eren sareghte oni wahhadaghseghte.

³⁷ Ok denghnon sàne yawetowànen tsinihoyèren ne yorighwaneghragwaghte tsi tehadikànere, sʼhegon yaghten tehoneghtaghkon raonhhage.

³⁸ Nene enkayèrine tsini hawennoten ne Prophet Esaias, nene rcdadighne, Sayàner, onghka teyakaweghtaghkon tsiniyakwarighhòten? oni onghka ronwa didogàtha ne ranontshage (tsinihaweyenoten) ne Royaner?

³⁹ Ne kadi wahhone yaghten yodon aontehoneghtaghkon, ne aoriwa tsi sahhawen are Esaias.

⁴⁰ Washakorònwekte raodikaghtege, oni roghniràton raoneryàne: nene yaghten aontehadikaghrayèndane, yagh oni tʼenyoyendane raoneryaghsagon, tsinikarihhòten oni aonlahodirighwiyoston, ok oni aonsakhetsyende.

⁴¹ Ne kengayen tsini karihhoten rawen Esaias, neonen wahhatkaghtho raogloria, oni wahhoghtharahkwen.

⁴² Ok sàne tsinihadi ne radiyadagwenniyose yawetowanen wathoneghtaghkon raonhhage; ok denghnon ne raoderiwa ne Pharisee yaghten hodirighhodaghsyon tsinihorighhòten, ne ne yaghten aontahowadiyadinnekenhhon ne Synagogue;

⁴³ Iken senhha radinonwesgwe nene ongweghne enhonwanatteweghgwe, tsiniyought ne Niyoh aonteshakodeweghgwen.

⁴⁴ Jesus wahhaddewennayèndon oni rawen, raonhha ne tehaweghtaghkon iihne, yaghten tehaweghtaghkon iihne, ok denghnon raonhhage ne ne rakhenha-on.

⁴⁵ Oni raonhha nene tehakekànere, tehokanere oni raonhha nene rakhenha-on.

⁴⁶ Iih naah ne wakaghswathetseradirhon ne oghwhentjàge, nene onghka kiok enthaweghdaghkon iihne, yaghten aontehennderondake tsityokaras.

⁴⁷ Ok oni togat onghka kiok ne ongwe rothonde tsinikewennòten, ok yaghten tehaweghdaghkon, yaghten tehayadoreghtha: iken yagh ne te kenyende aontekheyadòreghte ne ongwe ok denghnon nene ensakheyàdagon.

⁴⁸ Raonhha nene eren rakwatyeghten, oni yaghten harighwatsteristha tsini kewennòten, royen sʼhayàdat nene tehoyadoreghtha: ne nahhoten tekewenninnege-on, ne ne saoríwat enthoyadòreghte onen enwadonghwhentjokten.

⁴⁹ Iken yagh niih ten wakadattrori; ok denghtion ne Ragenihha ne ne rakhenha-on ne rakherighwàwigh tsinahhoten enkiron oni tsinahhoten enwaktharaghkwak.

⁵⁰ Oni kerighwayenderi tsinahhoten rakherighwawi naah ne eterna adonhèta: tsiok nahhoten kadi wakthàre, nene agwagh tsinihakwenni ne Ragenihha etho niyought wakthare.