John 10 - Ne Saint John 1804

CHAP. X. Christus ne ranonghnatyeghtseriyoh.

¹ Agwagh togenske, kwaghròri, raonha nene yaghten radaweyaden tsinonwe tsikanhokae ronde tsi kontyendaghkwa ne werha Teyodinagarondoa ok eren nonga radawenrats, ne fagit naah ranenghsgwas oni shakoghkwas.

² Ok denghnon raonha nene radaweyadeni tsi kanhekaronde naah ne ranonghne ne werha.

³ Nene ranhohanonghne raonhage enhanhodongon, ok ne werha ronwawennathonde, oni washakoronghyehha ne raotséna-ogon, shakonadonyon, ok tahhanenghrinnegenwe.

⁴ Ok de onen wahhentyoghkwinnegenwe nee raodsèna-ogon werha raonha wahhahhènde, ok nee werha ronwaghnonderatye; iken ronwawennayendèri.

⁵ Ok ne oya tehaoghwhenjénon yaghten ondom enhowaghsere, ok denghnon eren enkondègon tsi ire: iken yaghten honwadiwennayendéri ne oyaa teyakaoghwhentjènon.

⁶ Ne kengayen wadennagèraghton Jesus wahshakawenhaghse; ok denghnon yaghten hodinigonghrayenda-on tsinikarihhòten ne sʼhakoghtharaghkwenni.

⁷ Ethone Jesus saghshakawenhaghse are, agwagha togenske wakwenhagse, iih naah ne kanhohkarondee tsi kontyendaghkwen ne werha.

⁸ Agwegon nene radihhendon ne nʼiih naah nee radinengshsgwas oni shakodighkwens: ok denghnon ne werha yaghten honwanathonde.

⁹ Iih naah ne kanhohkaronde, iihne kadi togat onghkakiok radaweyàden, enhoyadagon, enhadawe-yadhak ok enhayakenghsek oni enhatshenri ne enrake.

¹⁰ Ne ranenghsgwas tsi ire, ne ok ranyènde ne; enhanenghsko, enshakoryon oni enhatyèsaght. Iiha wakewe nene aondonhetserayendane, ok senhha aondongoghte karihhowanen tsi nʼenyakoyèndane nʼadonhèta.

¹¹ Iih naah ne ranonghnatyeghtseriyoh: ne ranonghnatyeghtseriyoh radewenndeghten tsi ronhe ne: aoderiwa ne werha.

¹² Ok raonha ne ok tehonwanhase, ok yaghten hanonghnatyeghtseragwenniyoh, nene yagh raonha ten hawenniyoh ne werha, tehakanere tsi dawe ne Okwahho, ok washakoyadondi ne werha oni wahhadègo: ok ne okwahho waakoyèna, oni wakonrènyade ne werha.

¹³ Ne ronwanhase wahhadègon, ne wahhone ok tehonwanha-on, yagh oni ten hanoronghkwa ne werha.

¹⁴ Iih naah ne ranonghnatyeghtseriyoh, oni kheyenderi aketsèna-ogon ok oni ne yonkyenderi.

¹⁵ Tsiniyought ne Ranihha rakyenderi, egh niyought niih riyenderi ne Ranihha; wakaddewenndeght tsi konhe ne aoderiwa ne werha.

¹⁶ Ok òya ne werha wakenaghfgwayen, nene yagh kengh ten kontyendaghkwa; neoni enskeyathewe rononha oni enyonkewennaronke; enskat ok enkenhak ne kontyendaghkwa ok shayadat ne ranonghnatye.

¹⁷ Ne kadi wahhoni rakhenoronghkwa ne Ragenihha, ne wahhoni wʼakaddevvenndeght tsikonhe, nene aonsekyènake nʼetho.

¹⁸ Yagh onghka ne ongwe te yonkeghkweenni, iih ok ne kaddewenndeghton, wakegwennyonfseràyen nene, aonkaddewenndeghte, oni wakegwennyontseràyen nene aonsekyènake. Ne kengayen rakerighwawi ne Ragenihha.

¹⁹ Are oyàshon ne sahhodinigonghrawen-òn ne Jewshaga, ne aoriwa tsini karihhòten ne ken gàyen.

²⁰ Ok yawetowànen tsinihadi wairon, royen ne Kanigonghraksen, òni wathononghwarawènri; oghne yotyèren eghtsisewathondatse?

²¹ Tʼhikade wairon, yagh egh ten yewennotenhak ne yakòyen ne kanigonghraksen. Ondon ken ne Kanigonghraksen enyenhodongon ne akokaghtege ne teyeronwegen?

²² Etho niyawe-on Jerusalemne aghson tsiyakodennyodaghkwe ne ronwawihhe, oni Goghferhenge.

²³ Oni Jesus ire Templetseragon raoghsgwàgon ne Solomon.

²⁴ Ethone ne Jewshaga wahhontkenniisa tsi írese, ok wahhonwenhaghse, do nenwe ok tʼighseghre enhonaderyendhàren? togat nonken ise Christus enkenhak, yateserighwadogenght, takwaghrori.

²⁵ Jesus tentahhariwaghseragon, kwaghròri se, ok yaghten teseweghdaghkon: tsini kayòderigh-seròtense nene katyerha ne raoghsennagon ne Ragennihha, ne yonkerighwaghniratse.

²⁶ Ok denghnon ise yaghten teseweghtaghkon, ne aoriwa tsi yagh ne degen iih aketsèna-ogon werha tsisewayadare, tsiniwakwaghrori.

²⁷ Aketsenaogon yonkewennaghronken, ok kheyenderi, oni yonknonderatye.

²⁸ Oni kheyawihhe eterna adonheta; oni yagh nonwenndon tʼenhontkaròni, yaghoni onghka ne ongwe tenyonkeghkwen kesnonghsagon tsi ikhawe.

²⁹ Ne Ragenihha, nene rakwàwi, raonha tehakowanen tsiniyought agwegon; ok yagh onghka nʼongwe tʼenyegweni tenhonwadiyadaghkwen rasnònghsagon ne Ragennihha.

³⁰ Iih oni ne Ragenihha enskat naah.

³¹ Ethone ne Jewshaga tesahhadinnenyaghkwe ne enhonwayenghte.

³² Jesus tahhariwaghseràgon, yawetowanen ne kayodenghseríyose ne Rageníhne tewakhen ne kwanadòni, kàh kadi ne gayen ne karighwiyoh ne wakstonden tsi takwannenyenghten?

³³ Ne Jewshaga tahhadirivvaghseragon, wairon, yagh ne te saghstonden ne karighwiyo tsiwakwannenyenghten, ok ne tsisarighwayesaghtha; ne wahhoni tsi ise, songwe se, Niyoh sadaddonyon.

³⁴ Jesus watharighwaghseràgon, yagh ken ten kaghyàdon saghtyawenratseràgon, wàken, fewaniyoh-ògon?

³⁵ Togat nonken sʼhakonadonghkwaghgwe Niyoh-ogon rononha tsiyeyoyenda-on ne raowenna ne. Yehovah, ok yaghten yaweght entayerighwàrighte ne kaghyadonghseradogenghti;

³⁶ Ne ken eghtsisewènni, raonha nene Ranihha roragwenni oni oghwhenjage yehonha-on, sarighwayesaghten, ne wahhoni tsi waken, iih naah ne Yehovah Roye-ah?

³⁷ Togat nonken yagh ne ten katyerha ne raoyodenghsera-ògon ne Ragenihha, toghsa teseweghtaghkon.

³⁸ Ok denghnon togat etho ne katyerha, se etho yaghten teseweghtaghkon ne niih, teseweghtaghkon nissa tsini kayodenghseròtense; nene aontesewadogense oni aonteseweghtaghkon nene Ranihha iihne yehennderon oni niih raonhage yekideron.

³⁹ Ne kadi wahhoni sahhonghdàgon àre enhonwayèna: ok washakonyàkenghte èren ne raodisnonghsagon.

⁴⁰ Ok eren fàreghte àre isinongadih ne Jordan, tsinonwe John tsi tontyèrenghte wahshakoyatise (washakonohharehhe) ok egh nonwe wahhatye,

⁴¹ Ok yawetowànen etho roneghten tsi irefe oni wahhoniron, yagh ogh ten hoyèren ne John ne yorighwanneghragwaghte: ok denghnon: yorighwagwegon nene John roghtharaghkweni ne ken rongwe togenske naah.

⁴² Ok egh nonwe yawetowànen wathoneghdaghkon raonhage.