John 1 - Ne Saint John 1804

CHAP. I. 1 Nene tsiniyought tsi Sʼhongwawenniyoh, oni tsi ongwe ok oni tsinihorighhonde ne Jesus Christue. 15 Tsiʼnihorighhoten John. 35 Tsironwadighaonken Andrew, Gwider, &c.

¹ Tsidyodaghsawen ne Logos keaghne, etho Yehovahne yekayendaghkwe ne Logos, ok oni Logos ne naah ne Yehovah.

² Ne ne Sagat tsidyodaghsawen enskatne Yehovahne yekayendaghkwe.

³ Yorighwagwegon ne rodeweyenòkden, ok tsi nikon ne kaghson yagh oghnahhoten teyodon ne ne yagh raonha te hayàdare.

⁴ Raonhage yewèdaghkwe ne adonhèta ok oni ne adonhèta naah ne raodighswatheta nʼongwe.

⁵ Aghson tsidyokaras watyoghswathet ok yaghten yeyoyenda-on.

⁶ Rayadatogen ne Yehovah ronha-on ne ne John ronwayatskwe.

⁷ Ne wahhoni warawe tsi rodogense, ne ne aontahharighwatròri tsi watyoughswathet, ne ne aontyescnhak agwegon nʼongwe raonha raoriwa aonteyakeweghdaghkonhek.

⁸ Yagh raonha te keaghne ne etho kaghswathetsera, ok ne ne rowanha-on nʼahaderightyatrory kaghswathetseroten.

⁹ Ne naah ne togenske kaghsathetsera, ne ne watyakoghswatheta agwegon ne ongwe ne ne oghwhenjage yakoghwa eston.

¹⁰ Oghwhenjage yéresgwe, yorighwagwegon ne naah rodeweyenòkden, ok nʼongwe yàghten howayenderhèon.

¹¹ Eghwarawe tsi Rawenniyoh, ok ne sʼhakowenniyoh yaghten honwarighwatsteristha.

¹² Ok tsinihadi rotiwarighwatsteristha, rononha sʼhakogwenyon tserawi nene enhonàdon ne Yehovah sʼhakoyea-ongonwa, ne ne rononha agwagh nè teyakaweghdaghkon ne raoghseanakon:

¹³ Ok tsironwanadewedon yaghten né kanegwenghsage, yaghoni tsi yawèron nʼOwatoti, yaghoni tsi-ireghre nʼongwe, ok deaghnon ne Yehovah tsjnihenigonroten.

¹⁴ Ok ne Logos owàron waondon ok oni tsi yakwenderon wahhanàdayen (ok ne wakwatkaghtho ne raogloria, ne ne gloria tsi niyought ne raonha-on ne rodewedon ne Ronihha) ranànon ne gracia ok oni ne togensketsera.

¹⁵ John roderighwatròry, wahhadèweanayendon, radonnyon, ne ne ken right-haraghkwèhne, raonha nene raknonderatye ne rahhetindegh rakerighwakennyon; iken tiutkon tsi rahhendon, tsironhe.

¹⁶ Ok oni tsi ranànon tsinyakyon wakwayèna, ok oni gracia ne gracia.

¹⁷ Iken ne yoghtyawenratsera sʼhongwarighwawi ne Moses, ok nene gracia ok oni ne togensketsera ne Jesus Christus, ne rarighwayendatye.

¹⁸ Yagh onghka nʼongwe te honwaken ne Yehovah, katke kiok, ne ne raonha-on rodewedon rohàwak nene ranaskwagon ne ranihha yehenderon, raonha naah ne rorighhowanaghton.

¹⁹ Nene ken tsinihoyèren ne John, ethone ne Jewshaga, wasʼhakodinhane (Cohena-son) ok oni Levites Jerusalemne nʼàhonwarighwanondonse onghka nʼise.

²⁰ Ok wahhadaddodaghsyen, yaghten hodonhiye, ok wahhearon, yagh nʼiih tegen ne Christus.

²¹ Ok sahhonwarighwanondonse, onghka kadi, ise ken Elias? ok rawen yaghten, ise ken nʼetho Prophet? ok wahhenron yaghten.

²² Ethone sahhonwenhaghse, onghka nise? nene entsyakhighrory ne yonkhinha-on, oghnahhoten sadaddenadonghkwa.

²³ Wahhenron, Iih naah ne yewennodatye karliàgon, tsyathahhagwarighsyon, ne raohahha ne Rawenniyoh, tsinihoyèren ne Prophet Esaias.

²⁴ Rononha ne ne ronwadinha-on, nene tsinikentyoghkoten ne Pharisees.

²⁵ Ok sahhonwarighwanondonse, sahhonwenhaghse, ogh kadi ne yotyéren tsiwasheyàtise togat nonken yagh ise tegen ne Christus yaghoni nʼElias yaghoni ne etho Prophet?

²⁶ John tentahhadady, rawen, oghneganons kàtha tsi wakheyatise ok nʼetho wadògen sewakenyade nene yaghten eghtsisewayenderi.

²⁷ Raonha naah nene ok tehaknanderatye ok deghnon senha ronwayadagwenniyofton, ne ne raonikaghjéna yagh nʼiih sadekenna tegen aontakerighsi.

²⁸ Etho niyawen-on Bethabara tseragen skaihhonhade nonga ne Jordan, tsinonwe ne John yeresgwe sʼhakoyatise-onhatye.

²⁹ Tsi wa-orhenne John tehokànere Jesus karo tehhaweghtane, ok wahhenron tsyatkaghtho ne Yehovah raosehh nene eren tehhahhawightha oghwhentjagwegon akorighwanneraksera.

³⁰ Nene kenyagen ne kadonhaghkwe, enthaksere ne rongwe nene wahonwahendenghste, raonha se tiutkon tsi rahhenndon tsi ronhe.

³¹ Yaghten hiyenderighne ok onen tsi kerighwayenderi ne naah enhonwarighhowanaghte Israelne, ne kadi wahhòne kengh ike oghneganoughs kàtha si (kenohharehha) keyatisen-on hattye.

³² Nene John rorighhowanaghton, rawen, wakwatkaghtho ne kanigonghriyoston tʼontshenghthonhatye Karonghyàge tʼyoyenghtaghkwe, ok egh waontye raonhàge.

³³ Yaghten hiyendèrighne: ok raonha ne rakhenha-on nʼenkhèyatise oghnegage ne rakherighhonye, rawen, raonha tsi nonwe ensatkaghtho ne Kanigonghriyoston ethone a-ontsnenghte enwatyeonwe ne naah raonha ràtha ne Kanigonghriyoston nʼenhatise.

³⁴ Wakaderighwatkaghtho, ok oni wakerighhowanaghton ne naah ne kengayen ne Niyoh royeah,

³⁵ Ok àre tsi waorhene si radikenyàdaghkwé John ok tegni-aghseh ne raotyonghkwa.

³⁶ Ok tehokàneratye Jesus tsi ire, wahhenron tsyatkaghtho ne ne raosehh ne Yehovah.

³⁷ Ok ne teghniaghseh ronwawennaghrònken, ok ne Jesus tehhonwaghsere.

³⁸ Ethone Jesus egh tʼensahhatyèrat ok teshakokànere ronwaghnonderatye ok washakawenhaghse oghnahhoten iseneghre? waghníron Rabbi, ne yaweght ayaìron ne onen tekawennadenyon, seweniyoh, kàh nonwe tesideron?

³⁹ Ok sahhenron, kasene tsyatkaghtho, ok sahhòneghte oni waghyatkaghtho tsinonwe yehenderondaghkwe ok watògen wahhadighniserokten ase ken onen si karrah yaweght oyerihhadont hour.

⁴⁰ Sʼhayadat nene teghniaghseli neonen ronwawennaghronken John wannonwaghsere naah, ne Andrew nene yaddaddegen-on Simon Gwider.

⁴¹ Nyàre wahhoyadatshenry ne yadàddegen, Simon ok Wahhioghroty, onen yaghsakwayadatshenryon ne Messias, ne naah ne tayewetinadene ne Christus (nene Karonghyage sʼhongwahawighten.)

⁴² Ok wahhoyàthewe Jésusne, ok ne onen Jesus wahhotkaghtho, wahhenron, ise naah ne Simon ne Jona royeah, enyesayatshek Cephas, ne naah ne tekawennadenyon, onenya.

⁴³ Tsi waorhene Jesus walihadondaghgwane Galilee tseragon niyehhàre, ethone wahhoyadatshenre Philip ok wahhoyenhaghse, taknonderatyeght.

⁴⁴ Bethsaida-haga-kenghne ne Philip, ne Sakanàdat sighninakere ne Andrew ok oni Peter.

⁴⁵ Philip wahhoyadatshenre Nathanael, ok wahhoyenhaghse, waghsagwayadatshenryon raonha ne ne Moses sʼhongwanadoni tsi roghyàdow ne waghtyawenratsera, ok oni ne Prophethogon yonkhirighwawe, Jesus Nazarethaga nene Joseph royeah.

⁴⁶ Ok Nathanael sahhenron wadons ken ne karighwiyo Nazaret nonga aontakayenghtaghkwe? Philip tensahhenron kàts, ok saderighwatkaghtho.

⁴⁷ Jesus tehokànere Nathanael tsitàre, ok wahhodon, tsyatkaghtho nene Israelhaga nene togenske yaghten horìwayen ne wahhetken.

⁴⁸ Nathanael tentahhawenhaghse, oghha-awen si-takyenderi? Jesus tentahhadady ok rawen, arekho sitaghyènonke Philip, aghson si ighsese kaneraghtogon ne kerrhide waghyiyose ok si tekokàneratye.

⁴⁹ Nathanael tentahhadady ok wahhenron Rabbi ise naah ne Niyoh royeah, ise naah ne Israelhaga raodikora.

⁵⁰ Jesus tentahhadady ok waghrenhaghse, ne ken aorìwa tsi waken, tekokànereghkwe tsi ighse kaneraghtogon ne waghyiyose kerrhide, teseghtagh-kon ken? senha karighhowanenghse ensatkaghtho tsiniyught nʼetho.

⁵¹ Ok saghrenhaghse, togenske; agwagh togenske wakoghròri, onwa oghnagen ensewatkaghtho enteyoronghyokaràwen, ok ne Niyoh raotyonghkwa ne karonghyageghronon eneken yakaweghtonhatye ok tʼontsnenghtonhatye tsi íre ne ongwe ronwayeah.