Zacharie 10 - Ma Zhiklè

¹ Vo-dzhoɗo iyam nzlekai a sam Ndo nzi pèc pècèk! Ndo nzi pèc pècèk a gi a iyam a tsai, a da va kinè iyam, a ndohi ta ngècè skwi nɗaʼa.

² Théra-phimhai ta gèɗè ma ambalai; ndohi mpi kwa ta cèkèlma. Ta tsena te nshunè, a ta bid ta ndohi a ma ambalai. Te deɓaʼa ndohi ta slambaɗa, a to do a ta zlak ta ara tambakihai, te man ndo nwar ta azɓai.

³ I gi ndav a géɗ ndohi nwèr skwai, a i da ga ta skwi a mazawalhai. Aman Zhiklè bi mbiaʼa a wèr rèwè ndohi na, ndohi gi Juda, a ge ta a ngur plèshi nengaʼa a sam var.

⁴ Te va tengaʼa ta shkè auda: wof man ta ngi a ndevaʼa, wof man ta ɗizlè a vna, bi lèkèɗ, bihi var tèlèba.

⁵ A ta gi var a ta batsaha ta ngul ndohai a sam var ara koskosai. Aman Ndo nzi pèc pècèk a zhè a nda tengaʼa, a ndohi a deɓ plèsh ta vindè gèɗ a ta dzakaɓ ta.

⁶ I va ta wuɗi a ndohi gi Juda, a i takaha ta ndohi gi Joseph, a i helka ta a deɓa a ngwai, te man ta siyè te va. A gi ara man i kwol ta ɓi pal ba. Aman iyè, Ndo nzi pèc pècèk, i Zhiklè tengaʼa, i woya a i cè ntsi ri tengaʼa.

⁷ Ndohi Ephraim ta gi a ngul ndohai, ndav tengaʼa a da wuffè ara mwuffe zom. Wudahi tengaʼa ta da rkaʼa, a ta wuffè. Ndav tengaʼa da wuffa a géɗ Ndo nzi pèc pècèk!

⁸ I woya a i bidka ta a i ɓicka ta; aman i sumka ta a deɓa. Ta da gi kumba ara zlèzlèʼa.

⁹ I venda ta gèɗ a va ndohi herkeda; aman a sam ndraʼa ta héryè, ta da gra wudahi tengaʼa, a ta da shkè a deɓa a ngwai.

¹⁰ I woya a i helka ta a deɓa te kokwar Egypte, te Assyrie, i ɓicka ta, a i helka ta a deɓa a kokwar Galaad a Liban, sam a da slra ta ɓai.

¹¹ Ta da bizhè a ndev woyam Egypte, a Ndo nzi pèc pècèk a slèmbèɗdè iyam te woyam, a woyam Nil a da gwor na. Assyrie a da fi va asaɓai; gada bi Egypte ba asaɓai.

¹² Ndo nzi pèc pècèk, nengaʼa wuɗi tengaʼa, a ta dè a ma te nzlembaɗ nengaʼa.