Romans 13 - Ma Zhiklè

¹ Ndo staɗ staɗ tèlèba da fu gèɗ a ma bai, man a ngots wuɗi-bi a géɗ nengaʼa. Aman bi azɓai, man Zhiklè nfa ɓai: bihi man ta zhè, Zhiklè a npe ta.

² Ndo man a Sala va na a sam bai, a Sala va na a sam Bi Zhiklè.

³ Aman ndohi man ta Sala va ta, ta ngècè kita. Ndohi man ta gi skwi man amba, ta gi zlau bihi azɓai, sèi ndohi, man ta gi skwi man ambaɓai. Aman ka woy a ka gi zlau bi ɓai, sèi ka gi skwi man amba, a ka ambaha.

⁴ Aman bai, ndo ntakaha ka te Bi Zhiklè. Aman ka gi skwi man ambaɓai, sèi ka gi zlau. Aman kafahi gwèsh te ri nengaʼa ambali ka ɓai. Nengaʼa ndo ntakaha Bi Zhiklè, man a mpela na di man a ndo man a ngu skwi ambaɓiaʼa, a ndzoan.

⁵ Gar haha sèi ndo a fi gèɗ a bai, a géɗ ndzoan genè ka ɓai, aman a géɗ mèzhèɓ ndav.

⁶ A géɗ nengaʼa kin pi budu. Aman ndohi mbibihiaʼa, ndohi ntakaha Bi Zhiklè, a ta hér mizlinè arsa pèc pècèk.

⁷ Gar haha va-va na ndo staɗ staɗ skwi na. Budu a ndo budu, duak a ndo duak, gu zlau a ka nzala ndo wuɗai!

⁸ Kin gu godèrè ɓi klèk ba, sèi anta: ngiɗè da woy ngiɗè. Aman ndo man a woy ndo ngiɗè, a gi tèlèba, ara man ma kita Zhiklè a gaɗa.

⁹ Ara man a gaɗa: Ka gu mphöm ɓai, ka keɗa ndo ɓai, ka gu metsar ɓai, ka gu ntétékè ɓai, ko ma nkwère mèmè, man ma kita Zhiklè a gaɗa, mɓica te ma staɗ: Woy ndo a ndav ngaya, ara man ka woy nshèffè ngaya.

¹⁰ Mwoy-ndo a ga na skwi man ambaɓai a ndo azɓai. Gar haha mwoy-ndo, ndikèma kita Zhiklè tèlèba.

¹¹ Skwi haha va-gau a géɗ man kin sun patsaʼa. Tiɗè sama ma, aman sèi kin slèmbèɗè a nzhunè, aman skwi mʼmbel nga antanta a zhè ndul ndul holholaʼa, a fena pats man nga co a ndav.

¹² Vaɗ a ndiv na ndul ndul, a pats a herdeka nga va. Gar haha sèi nga kwola mizlinè ruva, a nga vi skwi var – skwi nhél sam a va.

¹³ Sèi nga nzi zuraʼa, a nga gudko skwi nzuraʼa auda, a ngi ngolahwaɗ ka ɓai, mwoy zom ka ɓai, mphömè ka ɓai, a mbizhèzlawa ka ɓai, mbèzl va a srak ka ɓai.

¹⁴ Aman va-feda Bi Yèsu Kristi a va, a kin war di va kinè, aman kin dzodzor ntétékè nengaʼa ɓai!