Psaumes 98 - Ma Zhiklè

¹ Psaume. Va-sla na dimèsh mɓuaʼa a Ndo nzi pèc pècèk, aman nengaʼa a ngau nrke-dai a ri mandi na, ri nengaʼa nkezlaʼa!

² Ndo nzi pèc pècèk a ngreda skwi mʼmbel ndo nengaʼa auda, ngi-zura nengaʼa a ngudoko ta va a dai a ndohi herkeda.

³ A nhur pombi nengaʼa a sam ndohi Jacob, a nhur nlèɓèslè nengaʼa a sam ndohi Israel. Te verzi herkeda tèlèba, ta rka skwi mʼmbel ndo Zhiklè nga.

⁴ Ndohi herkeda tèlèba, va-sla na dimèsh a Ndo nzi pèc pècèk! Vo-ngrudko mwuffè auda, va-tsau ganga!

⁵ Va-tsa na ganzavar, a Ndo nzi pèc pècèk, va-slu dimèsh a deɓaʼa!

⁶ A tolom, a shingelèk, va-wuffa a sam Bi Ndo nzi pèc pècèk!

⁷ Iyam mbiaʼa a hubètè a tsi ganga, a skwi te pa tèlèba, herkeda a skwi a pa tèlèba.

⁸ Woyamhi ta tsi wagèsh, zahi tèlèba ta hèzlèwè a mwuffè,

⁹ a sam Ndo nzi pèc pècèk; aman a shkè, a shkè a ngi kita herkeda. Nengaʼa a da gi kita a ma nengaʼa nzuraʼa a gi kita ndohi herkeda tsarayaʼa.