Psaumes 95 - Ma Zhiklè

¹ Vo-washkè, ngo-slokoy dimèsh mwuffè a Ndo nzi pèc pècèk, a nga nzala za skwi mʼmbel nga!

² Ngo-zlotsokoy a sam di nengaʼa a nshid gèɗ, ngo-nzolokoya a dimèsh nshid gèɗ!

³ Aman Ndo nzi pèc pècèk, nengaʼa Zhiklè mbiaʼa, bi mbiaʼa a gèɗ zhiklèhi tèlèba.

⁴ Herkeda tʼhwaɗaʼa nte ri nengaʼa, gèɗ za ba, a nengaʼa.

⁵ Iyam mbiaʼa a nengaʼa, nengaʼa a ngau. Herkeda ngworaʼa a nengaʼa, ri nengaʼa a ngau.

⁶ Vo-do a pa! Ngo-kolokoy a hai a deɓ sak nengaʼa! Ngo-gubdokoy deɓ a hai, a ngo-gurɓokoy a hai a sam Ndo nzi pèc pècèk man a ge nga.

⁷ Aman nengaʼa Zhiklè nga, nga ndohi te va rèwè nengaʼa, tambahikhi te ri na. A patsna, kin tsena daʼai nengaʼa!

⁸ A gaɗa: Kin sassaya ndav kinè ɓai, ara man ta gu te Meriba, ara man a pats Massa, tʼhèshèkèɗ,

⁹ aman babhi kinè ta jkedyè, ta pokoy gèɗ ndav auda, ko ta rka skwi man i gau.

¹⁰ Mvi 40, verzi ndohi haha ta ndarayè, a i gaɗa: Ta ndohi man ndav tengaʼa a zlak na, a ta sun civèɗ ga ɓai.

¹¹ A i mbaɓa a ndav: Sèi ta dè a sam nshèk va ga azɓai!