Psaumes 92 - Ma Zhiklè

¹ Psaume. Dimèsh pats nshèk va Zhiklè.

² Amba aman nga shid gèɗ a Ndo nzi pèc pècèk, a nga sli dimèsh a nzlembaɗ nga-ya, Zhiklè te géɗèʼa,

³ a nga njè pombi ngaya a prèk, a nlèbèslè ngaya a vaɗ,

⁴ a deɓ ganzavar, man mar a pa kula, a tèzlèzlèu, a deɓ ganga.

⁵ Aman ka, Ndo nzi pèc pècèk, ka vay mwuffè a ma, a skwi man ka giaʼa; i wuffè a gèɗ mizlinè ri ngaya.

⁶ Ndo nzi pèc pècèk, skwi man ka giaʼa, mbiaʼa, skwi man ka hérèʼa, verzi a zhè.

⁷ Ndo man maya na azɓai, a sun ɓai; ndo nrzla a tsena ɓai.

⁸ Ndohi ambaɓihiaʼa ta fcè ara kuza, a ndohi malihai ta wèl va èhèmè? A gèɗ man ta da gédèsh ta a mèdèp.

⁹ Aman ka, Ndo nzi pèc pècèk, ka fena tèlèba a mèdèp.

¹⁰ Ndo nzi pèc pècèk, a vava mayamhi ngaya, mayamhi ngaya ta gedas ta, ndohi malihai tèlèba sèi ta ksar ta.

¹¹ Ka zlècèdè drom ga ara drom kevar, ka faday mbar mɓuaʼa a gèɗ.

¹² I sassaya di ga a sam ndohi man ta pi va a iyè, a zlembaɗ ga a tsena skwi man a ga ta ndohi ambaɓihiaʼa, a i wuffè.

¹³ Ndo nzuraʼa a grè ara wof gangar, a juvè a zhiklè ara wof tsna te Liban.

¹⁴ Ta ngaʼa te gi Zhiklè, Ndo nzi pèc pècèk, ta grè a gala Zhiklè nga.

¹⁵ Ko ta hala ma, ta yiè genè, iyam te va, a ta dai a vna,

¹⁶ a ta ngreda: Ndo nzi pèc pècèk, nengaʼa zuraʼa, za ga, mali az a sam na ɓai.