Psaumes 86 - Ma Zhiklè

¹ Ntsi ri David. Ndo nzi pèc pècèk, fu zlembaɗ a ma ga, tsena ma ga! I gi mbelawa, i ndo ntawassaʼa.

² Ɓüro ndav ga, te man i zhè a civèɗ ngaya. Takaha ɓèl ngaya, i pi ndav a ka.

³ Ka Zhiklè ga, Bai, i da se ka te va! I tsi ri a ka pèc pècèk.

⁴ Ndo nzi pèc pècèk, va na mwuffè a ndav a bèl ngaya, aman i cè gèɗ a zhiklè.

⁵ Bai, ndav ngaya amba, mprè malai ambaha ka, ndohi tèlèba man ta tsi ri a ka, ta se ka te va kumba.

⁶ Ndo nzi pèc pècèk, tsena ntsi ri ga, fu zlembaɗ man i tsi ri mbuh mbuhaʼa.

⁷ A pats matakwan i tsi ri a ka, a ka mbeɗkay a ma.

⁸ Bai, Zhiklè, ngiɗè ngar ka azɓai; skwi man ka gia, ngiɗè lèmèlèmè arsa azɓai.

⁹ Ndohi herkeda tèlèba man ka ge ta, ta da shkè a ta da kèlèhi a deɓ sak ngaya a ta slébèrdè nzlembaɗ ngaya, bai, Zhiklè.

¹⁰ Aman ka mbiaʼa, a ka gi nrkedai, Bi Zhiklè, ka staɗgenè.

¹¹ Ndo nzi pèc pècèk, senday civèɗ ngaya, a i dè te ma ngaya nzuraʼa. Ngreda na maya a ndav ga, aman a gèɗ skwi tèlèba a i gi zlau nzlembaɗ ngaya.

¹² Bai, Zhiklè ga, i woy a i slebarde ka, a ndav tèlèba. I woy a i nzala nzlembaɗ ngaya a mèdèp.

¹³ Aman pombi ngaya a gèɗ ga, mbiaʼa, a ka mbela nshèffè ga te mʼmetsai.

¹⁴ Bi Zhiklè, ndohi nfi va ta slambaɗkay a va, nderkèzhè ndohai ta woy a ta keɗyè, ta pi di a ka azɓai.

¹⁵ Aman ka, Bai, Zhiklè man ndo a se ka te va, man ka vi pombai. Ka gi ndav tsam-tsam azɓai, ka woy ndo a ndav.

¹⁶ Ngwodkay ma, i da se ka te va! Va na wuɗi a ɓel ngaya, a ka mbela kradem ɓèl ngaya!

¹⁷ Gay skwi man amba, a ndohi nʼngay shèwa ta ngècè hori adai, a tarkaʼa, ka Ndo nzi pèc pècèk, ka takahayè, ka bidyè.