Psaumes 8 - Ma Zhiklè

¹ Psaume David.

² Ndo nzi pèc pècèk, bi nga, nzlembaɗ ngaya mbiaʼa a gèɗ herkeda tèlèba! Nʼnjèl ngaya a dè a géɗèʼa, a zhiklè.

³ Wudahi man ta gre di bai, a wudahi man a wa ta slébèrdè ka, aka ngredè wuɗi ngaya auda, a ka tsede ta mayamhi ngaya, a ndo man a gi shèwa a ka, a ndo man a slambaɗa ka a va, a hai.

⁴ Aman i pi di a zhiklè, man ri ngaya a gau, a kia a bantihai man ka ge ta a pa:

⁵ Ndo kala mè, aman ka hérèʼa? Ndo kala mè, aman ka hér gèɗ zlau a gèɗ nengaʼa?

⁶ Njèkè kètè genè, ndo a gi ara gol Zhiklè; ka nzalaʼa, ka ga a mbiaʼa.

⁷ Ka ga a bai a gèɗ skwi man ri ngaya a gau tèlèba; ka feda skwi tèlèba a hwaɗ sak nengaʼa:

⁸ Tambakihai, zlèhai tèlèba, a skwi dak,

⁹ ɗiakihai, klèfihi te woyam, a skwi tèlè man a hi tʼhwaɗ iyam.

¹⁰ Ndo nzi pèc pècèk, bi nga, nzlembaɗ ngaya mbiaʼa a gèɗ herkeda tèlèba.