Psaumes 76 - Ma Zhiklè

¹ Psaume Asaph. Dimèsh.

² Ndohi Juda ta sun Bi Zhiklè. Nzlembaɗ nengaʼa mbiaʼa te Israel.

³ Gi nengaʼa a zhè te Salem. Sam nʼnzi nengaʼa te Sion.

⁴ Te pa a mpasla sulom lèkèɗ a gambar, a tsakwal, a skwi var.

⁵ Ka mbiaʼa, a nʼnjèl-bai, ka shkè te za man a zhè a mèdèp.

⁶ Ndohi slagama, ta ge ta a ɓèlè a ta bazl ta. Ngul ndohi var tèlèba ta ndosko ta ma a pa.

⁷ Zhiklè Jacob, ko plèsh, ko ndo man a deɓ plèsh, ndzoan ngaya a tèwèlèma ta gèɗ.

⁸ Ka, ka wuɗitpa. Nslaha a nzlècè a sam ngaya, a sam wuɗi ndzoan ngaya, wa?

⁹ Ka godko kita a hai te zhiklè; herkeda a gudzai, a nza tètè,

¹⁰ aman Bi Zhiklè a slèmbèɗè a ngi kita, aman a shkè a takaha ta ndohi tèlèba tʼherkeda man ta manda gèɗ a hai.

¹¹ Halau, sèi ndohi herkeda ta slébèrdè ka, njèkèɗi ndohi te Hamath sèi ta ga ka ngolala.

¹² Va-gaɗda ma a hai a Ndo nzi pèc pècèk, Zhiklè kinè, a kin giaʼa ara man kin gaɗda na ma a hai. Ndohi a tsagai tèlèba, sèi ta va na skwi a Zhiklè mwuɗitpa,

¹³ man a zede nfi va a wud bihai, man a gi wuɗitpa a sam bihi herkeda!