Psaumes 75 - Ma Zhiklè

¹ Psaume Asaph. Dimèsh.

² Nga slebarde ka, bi Zhiklè, nga slebarde ka; a tengaʼa man ta bèhè nzlembaɗ ngaya, ta njè ma nrkedi ngaya.

³ Zhiklè a gaɗa: Ko i zhèrè dai, aman i da gi kita zura genè.

⁴ Ko herkeda a gudzai, a nda ndohi tèlèba a gèɗ herkeda, iyè i dizleda sak gi nengaʼa a pa.

⁵ I gaɗa ta ndohi man gèɗ ta za: Kin zeda gèɗ kinè ɓai! A i gaɗa ta ndohi ambaɓihiaʼa: Kin zlatseda drom ɓai,

⁶ kin zlatseda drom kinè a zhiklè ɓai, kin goɗ ma nfi va a gèɗ za nga ɓai!

⁷ Aman nʼnjèlè a shkè te civèɗ mvèng pats ka ɓai, te civèɗ nkèl pats ka ɓai, te civèɗ hèshèkèɗ ka ɓai.

⁸ Aman Bi Zhiklè a shkè a ngi kita; a manda na gèɗ a hi a ngiɗè, a slambadda na gèɗ a ngiɗè.

⁹ Kokwi te ri Ndo nzi pèc pècèk a zhè, zom a hubètè te pa, a masara te dai, a da dawa na ngiɗè, a da dawa na ngiɗè. Ko derɓaʼa, ndohi ambaɓihiaʼa a gèɗ herkeda sèi ta siaʼa ndèzl, a ta ndevaʼa.

¹⁰ Aman iyè i woy a i njè skwi haha a mèdèp. I woy a i sli dimèsh nslébèrdè Zhiklè Jacob.

¹¹ Nengaʼa a da prosloma ta dromhi tèlèba a ndohi ambaɓihiaʼa; aman a zlatsede ta dromhi ndohi nzuraʼa.