Psaumes 71 - Ma Zhiklè

¹ Ndo nzi pèc pècèk, i pi ndav ga a ka, ka pay hori a di bi fèt!

² Mbelyè, prekay auda, a ngi-zura ngaya! Fu zlembaɗ a ma ga a ka takahayè!

³ Nda a sam ga nlèaʼa man i nghédè va a pa, gi ndakmaʼa, aman a ka mbeiyè.

⁴ Zhiklè ga, prekay auda te ri ndo ambaɓiaʼa, mbregwoɗkay auda te ri ndo shèwa, te ri ndo nʼngay matakwan.

⁵ Aman ka, Bai Ndo nzi pèc pècèk, man i zhèr ka te ndav ga. I pi di a ka, daga man i kra.

⁶ I gso va a ka, man iyè a rai. Ka ɓerkayè man i tʼhwaɗ mam ga dai. Ka vay dimèsh nshid gèɗ a ma pèc pècèk.

⁷ Iyè ara skwi nrke-dai a sam di ndohi kumba. Ka sam ga nlèaʼa man wuɗi na zhè.

⁸ Ma ga a shida ka gèɗ kumba, a slébèrdè ka, daga prèk ha dakwaɗ.

⁹ Man i da hala ma, ka da kwolyè ɓai! Aman wuɗi ga a da herde na, ka da jèkyè ɓai!

¹⁰ Aman mayamhi ga ta ngryè, tengaʼa man ta pi va a nshèffè ga, ta vhè ma a ta gaɗa:

¹¹ Zhiklè a nkwola ma. Va-hu a verziaʼa, vo-gso, ndo nda mbelaʼa azɓai!

¹² Bi Zhiklè, ka nze dra a sam ga ɓai! Zhiklè ga, vaska va a ka takahayè!

¹³ Tengaʼa man ta gi shèwa a nshèffè ga, sèi ta ngècè hori a dai a ta zi ta. Tengaʼa man ta wuffè a gèɗ matakwan ga, hori da keɗ ta, a ta ndi a ndohi mphomaʼa!

¹⁴ Aman iyè, i woy a i zhèrè pèc pècèk, a i shid gèɗ a ka a mama.

¹⁵ Ma ga da njo ngi-zura ngaya, a skwi mʼmbel ndo ngaya, a prèk, ha dakwaɗ; aman i slaha a i ngrèʼa ɓai.

¹⁶ I slefi skwi mbiaʼa man Bai, Ndo nzi pèc pècèk a gau; ngi-zura ngaya staɗgenè man i woy a i nzalaʼa.

¹⁷ Bi Zhiklè, ka slebdayè daga man i kra, ha antanta i njè nrkedi ngaya.

¹⁸ Bi Zhiklè, antanta i babgi ma, a mokozlar te gèɗ, ka da jèkyè ɓai! A i njè ta skwi man ri ngaya a gau a ndohi te verzi ga, a i da njè ta wuɗi ngaya, ha ndè a ma wud wuda tengaʼa.

¹⁹ A i njè ngi-zura ngaya a ma ma, Bi Zhiklè. Ngi skwi mbiaʼa, ngar ka wa, a Bi Zhiklè?

²⁰ Ka man ka jkedyè a zlau a matakwan mbiaʼa, ka da vay wuɗi zaʼa, ka da ndzavkay auda te verzi herkeda.

²¹ Ka da gyè a mbiaʼa, ka da bidyè zaʼa.

²² Zhiklè ga, te deɓaʼa i da shida ka gèɗ a ganzavar, a i hér nlèɓèslè ngaya, Zhiklè Israel nkezlaʼa.

²³ Ma ga da slebarde ka, a ndav ga tèlèba, man ka sumkaɗa deɓa.

²⁴ Ma ga da goɗ a gèɗ ngi-zura ngaya daga prèk ha ndè ma dakwaɗ, te man ndohi man ta wuffè a géɗ matakwan ga, ta ngots hori a dai, a gèɗ ta ndzakaɓ na.