Psaumes 70 - Ma Zhiklè

¹ Man a David. Aman ndohi la hereʼa.

² Bi Zhiklè, da prekay auda! Ndo nzi pèc pècèk, vaska va a ka takahayè!

³ Tengaʼa man ta woy a ta zeday nshèffè ga, hori a da gi a di tengaʼa, gèɗ ta ndzakaɓa. Tengaʼa man ta wuffè a géɗ matakwan ga, ta da minè a deɓa a hori a dai.

⁴ Tengaʼa man la gaɗa: Rka dai! Rka dai! Ta da ngwèdè gèɗ a deɓa a hori a dai.

⁵ Ta tèlèba man ta has ka, ndav tengaʼa a da gi langlanga dai, a ta da wuffè dai a géɗ ngaya. A tengaʼa man skwi mʼmbel ndo ngaya ambaha ta, la da gaɗa: Bi Zhiklè mbiaʼa!

⁶ Aman antanta, i ndo ntawas-saʼa, i mbelaw ndo. Bi Zhiklè, vaska va a kashkè a sam ga! Ka ndo ntakahayè, ndo mbelyè. Ndo nzi pèc pècèk, ka gu ndu-doh ɓai.