Psaumes 67 - Ma Zhiklè

¹ Psaume. Dimèsh.

² Bi Zhiklè, nga da se ka te va, da pshè nga ma, di nengaʼa da hela ngá sam dzayaʼa!

³ A ndohi a géɗ herkeda ta sun civèɗ ngaya, a kokwar bihai ta sun skwi mʼmbel ndo ngaya.

⁴ Bi Zhiklè, ndohi herkeda da slebarde ka; sèi ta slebarde ka, ndohi herkeda tèlèba!

⁵ Kokwar bihai sèi ta wuffè a ta gi ngolala, a géɗ man ka ga ta kita a ndohi herkeda zuraʼa, a ka lè ta kokwar bihai a ma a civèɗ.

⁶ Bi Zhiklè, ndohi herkeda da slebarde ka; sèi ta slebarde ka, ndohi herkeda tèlèba!

⁷ Herkeda a mva nga skwi na, Bi Zhiklè, Zhiklè nga, a pshè nga ma.

⁸ Bi Zhiklè da pshè nga ma, a ndohi herkeda tèlèba da gu zlau nengaʼa, ha ndikè a verzi herkeda!