Psaumes 60 - Ma Zhiklè

¹ Dimesh mpi ndav a Zhiklè. Man a David,

² aman a gu var a ndohi Syrie te Mésopotamie, a ndohi Syrie ti Tsoba; a Joab a mbazl ta ndohi Edom te slrats boma, ndohi a gi 12.000.

³ Bi Zhiklè, ka kwol nga, ka pasla ma-zlangal nga, ka gu ndav a nga hu nga.

⁴ Ka gu a herkeda a gudzai, ka cizlaʼa. Vsheda pa, a wal na!

⁵ Ka ga ta wuɗi a ndohi ngaya, ka va nga skwi a nga sau te kokwar ngaya man a keɗ nga ara zom.

⁶ A ndohi man ta gi zlau ngaya, ka va ta skwi malwuɗai, a ta si aha ta hi a pa a ta nghédè va ta a géɗ lèkèɗ a sulom.

⁷ Ndohi man ka woy ta, ta mbel ta. Takaha ta a ri mandi ngaya, mbeɗka nga a ma!

⁸ Bi Zhiklè a ngoɗkoɗi a sam nengaʼa nkezlaʼa: I wuffè, i da kezli Sichem, a i livè dal Succoth.

⁹ Galaad a ga, Manassé a ga, Ephraim dzokwom gèɗ ga, Juda gaɗa bi ga.

¹⁰ Moab torok man i pèn va te pa. Edom nzlaɓa a kotokoroh ga; i tsi sabi a géɗ kokwar Philistie.

¹¹ Nda dyè a sam gi ndakma wa? Nda feday ma a kokwar Edom wa?

¹² Man ka kla! Bi Zhiklè, ka man ka kwol nga; Bi Zhiklè, ka man ka dè var a verzi nga asaɓai.

¹³ Takaha nga a sam ndo nʼnga nga matakwan! Skwi man ndohi ta takaha nga a vna, skwi ambalai.

¹⁴ Nga woy a nga gi skwi mbiaʼa a nda Bi Zhiklè. Nengaʼa a da mbatsaha ta ndohi nʼnga nga matakwan a sak.