Psaumes 6 - Ma Zhiklè

¹ Psaume David.

² Ndo nzi pèc pècèk, ka gay ndzoan a ndav bai! Ka keɗay a gèɗ a shèwa ngaya bai!

³ Ndo nzi pèc pècèk, i da se ka te va, te man wuɗi ga azɓai. Mbelyè dzafdzafaʼa, zlau a paslay vatasl a va,

⁴ ndav ga ndzakaɓa, a nzi ta ahngwa, Ndo nzi pèc pècèk?

⁵ Ndo nzi pèc pècèk, washkè a deɓa, mbelay nshèffê ga! Takahayè, a géɗ pombi ngaya!

⁶ Te mʼmetsai ta hèr ka asaɓai. A sam mʼmetsai nʼnda shid ka gèɗ wa?

⁷ I ngeza te ri nlèyè ga. A vaɗ tèlèba i bad kuɗa a sam mʼmènè ga, i pènè sam mʼmènè ga a kuɗ ga.

⁸ Kuɗa a pay a dai, a kezawamay dai a sam ndohi nʼngay matakwan.

⁹ Va-kazlay auda a tsagai, kin ndohi ambaɓihiaʼa tèlèba! Aman Ndo nzi pèc pècèk a tsena nkuɗi ga, a cè ntsi ri ga, man i kuɗi tsektsekaʼa.

¹⁰ Ndo nzi pèc pècèk a tsena mbèhè ga, Ndo nzi pècpè-cèk a cè ntsi ri ga.

¹¹ Ndohi mayamhi ga tèlèba ta ngècè hori a dai, ta gi zlau, a nasa nasa ta hi ta, gèɗ ta ndzakaɓa.