Psaumes 58 - Ma Zhiklè

¹ Man a David.

² Kinè mbibihiaʼa, kin bazla kitazura dè? Kin ga ta kita a ndohi herkeda zura dè?

³ Aʼai! Kin tèlèba kin ga skwi te kokwar zura ɓai; ri kinè a ga na wuɗi a herkeda.

⁴ Ndohi ambaɓihiaʼa ta zlak ta daga man ta tʼhwaɗ mam ta. Ndohi ncèkèlma ta beza zlawa daga nyakaɗ ta.

⁵ Tengaʼa dèrè, ara dèr zhüzhok, ara demhal man a ndè zlembaɗ na, a tsena ɓai,

⁶ a tsena daʼai ndo ngüvè ɓai, a tsena daʼai ndo mbèh skwai man a woy a mbèh skwi a vna azɓai.

⁷ Bi Zhìklè, proslama ta zlèʼèn auda te ma! Ndo nzi pèc pècèk proslama ta zlèʼèn a wud marizhèlèhai!

⁸ Sèi da ndev ta, ara iyam man a she na, ara kuza man a ftsa tok-tok, a ngwor na.

⁹ Ara nzerɗaɗau man a hi te va nzerɓakai, ara skwi man ta mön mʼmènè, nshèffè a te pa ɓai.

¹⁰ Ga ta pi deɓi shiɗèf kinè a vogwa vatak, Zhiklè a wyamdaussa, ara shiɗèf man nʼndarkaɗauda ɓai.

¹¹ Ndo nzuraʼa a da wuffè a géɗ tengaʼa man ta pil gèɗ, a da pen sak na te pombaz ndohi ambaɓihiaʼa.

¹² Te deɓaʼa ta gaɗa: A vava, skwi ntul ndo nzuraʼa a zhè. A vava, kita Bi Zhiklè a zhè dai a géɗ herkeda!