Psaumes 54 - Ma Zhiklè

¹ Dimèsh David,

² aman ndohi Ziph ta shkè a sam Saul, a ta gaɗa: Na haha, David a nʼngheda va na a sam nga.

³ Bi Zhiklè, takahayè a géɗ nzlembaɗ ngaya, ckay auda te kita a wuɗi gaya!

⁴ Bi Zhiklè, tsena ntsi ri ga, fu zlembaɗ a ma ga!

⁵ Ndohi nfi va ta slambaɗkay a va, ndohi wuɗai ta woy a ta zeday nshèffè ga. Bi Zhiklè az a sam di tenga ɓai.

⁶ Na haha, Bi Zhiklè man a takahayè. Bai, Zhiklè, nengaʼa man a ɓer nshèffè ga.

⁷ Matakwan da ngwoda ta va a gèɗ a mayamhi ga! Bi Zhiklè, ndev ta a géɗ ngi-zuraʼa ngaya!

⁸ A i woy a i va ka skwi a ndav amba, i woy a i slébèrdè nzlembaɗ ngaya, Ndo nzi pèc pècèk; aman nzlembaɗ ngaya amba.

⁹ Aman nengaʼa a mprekay auda te ri zlau mʼmetsai tèlèba. Aman i da rka mayamhi ga man ta ndev ta, ndav ga a wuffè.