Psaumes 52 - Ma Zhiklè

¹ Dimèsh David,

² aman Doég, ndo Edom, a shkè a ngra na Saul: David a mshkè a gi Achimélec.

³ Ka ndo shèwa mbiaʼa, ka fi va a géɗ shèwa ngaya pèc pècèk a géɗ ndo man a gi zlau Zhiklè, èhèmè?

⁴ Nèʼèn ngaya a woya a ngédèshè skwai, ara gwèsh nta-slaʼa; ka ndo nʼngwèdè ndo!

⁵ Ka woy skwi man ambaɓai, a fena skwi man amba. Ka woy ncèkèlma, a fena ma nzuraʼa.

⁶ Ma nzhidè ndo ambaha ka, ka nèʼèn ncèkèlma.

⁷ Gar haha Zhiklè a da gedas ka a mè-dèp, a da gs ka, a da ngazl ka auda te gi ngaya, a cka ka auda tʼherkeda man ndo-hi ta zhè a nshèffè.

⁸ Ndohi nzuraʼa ta da rkaʼa a ta gudzai, a ta da ngwossaha:

⁹ Va-wora, ndo man sam nengaʼa nlèaʼa az a sam Bi Zhiklè ɓai, man a gshè va a skwi mèshèlè nengaʼa mbiaʼa, a skwi man a gau a wuɗi na!

¹⁰ Aman iyè, i ara wof tsna te gi Bi Zhiklè, man a ɗai. I gshè va a pombi Bi-Zhiklè pèc pècèk a mèdèp.

¹¹ I woy a i slébèrdè ka pèc pècèk a géɗ skwi man ka gau. I woy a i njè nzlembaɗ ngaya a sam ndohi man ta gi zlau ngaya, te man nzlembaɗ ngaya amba.