Psaumes 51 - Ma Zhiklè

¹ Psaume David,

² a pats man Nathan, ndo nhadka ma, a mshkè a sam na, te deɓaʼa man a gu mphömè a Bath-Shéba.

³ Bi Zhiklè, i da se ka te va, vay pombi ngaya! Pray mali mphömè ga, a géɗ man ndo a se ka te va kumba!

⁴ Ponkoy mali ga auda te ndav, a i gi ndzuwaɗaɗaʼa; pa-nyè te maharam ga!

⁵ I ba i sun mphömè ga, mali ga a zhè a sam di ga pèc pècèk.

⁶ I gu mali a sam ngaya staɗgenè, i gau skwi man ambaha ka ɓai. Kita man ka ngélèʼa, kita nzuraʼa. Aman ka gi kita, ndo a slaha a nfa ka mali a gèɗ ɓai.

⁷ Na haha, ta yiyè tʼhwaɗ malai, a mam ga a ngatsyè tʼhwaɗ malai.

⁸ Ka, ka woya skwi nzuraʼa te ndav tʼhwaɗaʼa, ngray maya te ndav ga tʼhwaɗaʼa.

⁹ Panayè mali ga a hysope, a i pana a vava. Panayè, a ndav ga a ngi a nslekadaʼa kudkudèa a fena gogumai.

¹⁰ Gay a ndav ga langlangaʼa, da wuffa; slambaɗay va ga man ka gatsedahai.

¹¹ Ngheda di ngaya a sam mali ga, a ka co skwi ga man ambaɓi tèlèba auda.

¹² Bi Zhiklè, vay ndav ga mpanaʼa, vay mèzhèɓ mɓuaʼa man a fi gèɗ a ka.

¹³ Ka dzamyè aussa a sam di ngaya ɓai, ka co mèzhèɓ ngaya nkezlaʼa auda te ndav ga ɓai!

¹⁴ Bidyè zaʼa a skwi mʼmbel ndo ngaya, a ka menday mèzhèɓ a ndav, a i ngècè wuɗai.

¹⁵ A i woy man a i senda ta civèɗ ngaya a ndohi malai, a ndohi mphömè ta ngwodko ndav ta a sam ngaya.

¹⁶ Mbel-yè, te man i ndo nkeɗ ndo, Bi Zhiklè, Zhiklè man a mbelyè; a nèʼèn ga a da njè ngi-zuraʼa ngaya.

¹⁷ Bai, Zhiklè, winè tapiɗaf ma ga, a i njè ma nʼnjèl ngaya a ndohai.

¹⁸ Ka woy man a i zla ka skwi ɓai. Ko i ndara ka skwi te vogwa, ambaha ka ɓai.

¹⁹ Skwi man Bi Zhiklè a woyaʼa, ndo man a manda gèɗ a hai. Ndav man mʼmbeɗ na, ka Bi Zhiklè ka kwolè az-ɓai.

²⁰ Ga na skwi man amba a Sion, va na pombi ngaya, rom zlazlar Jérusalem zaʼa!

²¹ Te deɓaʼa ka da wuffè a géɗ skwi man ta va ka zuraʼa; ta da va ka marai a sam mvi skwi a ka.