Biblia Todo Logo
Bìoball air-loidhne

- Sanasan -

Psaumes 5 - Ma Zhiklè

1 Psaume David.

2 Tsena ma ga! Hur kuɗ ga, Ndo nzi pèc pècèk!

3 Fu zlembaɗa ntsi ri ga, bi ga, Zhiklè ga; i tsi ri a ka.

4 Ndo nzi pèc pècèk, a prèk te gai ka tsena daʼai ga. A prèk te gai i tsa ka rai, a i zhèr ma ngaya.

5 Ka Zhiklè, ka woy skwi ambaɓia ɓai. Ndo malai a slaha a nzi a sam ngaya azɓai.

6 Ndohi nfi va ta zlècè a ma ngaya azɓai. Ka mayam ndohi tèlèba man ta gi skwi man ambaɓai.

7 Ka zede ta ndohi ncèkèlma. Ndohi nkéd ndo a ndohi nʼngwèdè rai ta ndara na Ndo nzi pèc pècèk.

8 Aman iyè i slaha a i dè a gi ngaya a géɗ pombi ngaya mbiaʼa; i slaha a i kèlèhai a deɓ sak ngaya te gi ngaya nkezlaʼa, a i slébèrdè ka a zlau.

9 Ndo nzi pèc pècèk, feday ma te ngi-zuraʼa ngaya, a géɗ mayamhi ga, tilay civèɗ ngaya a ma ga.

10 Skwi nzuraʼa a te ma tengaʼa ɓai; te ndav tengaʼa ta hér ngédèshè skwai; vèvèɗ daʼai tengaʼa naragi dzavai mwinè fuwangaʼa; ma tengaʼa nara vongwom.

11 Zhiklè, fata mali a gèɗ! Nèʼèn tengaʼa da ngwoda ta ma a gèɗ! Dzam ta a géɗ mali tengaʼa man ta gi a vata, a géɗ man ta slambaɗa ka va.

12 Aman gau a ndohi tèlèba man ta pi ndav a ka, ta wuffe. Gau a ta sli dimèsh a mèdèp, sèi ka ɓer ta, a ta slébèrdè ka, ta tèlèba man ta woy nzlembaɗ ngaya.

13 Ka, Ndo nzi pèc pècèk, ka pshè na ma a ndo nzuraʼa; a nzi a hwaɗ pombi ngaya ara tʼhwaɗ gambar.

Alliance Biblique du Cameroun 1989

Bible Society of Cameroon
Lean sinn:



Sanasan