Psaumes 48 - Ma Zhiklè

¹ Dimèsh. Psaume ndohi Koré.

² Ndo nzi pèc pècèk mbiaʼa, amba aman nga slébèrdèʼa, te kokwar Zhiklè nga, te za nengaʼa nkezlaʼa;

³ za nturzloluhaʼa man amba, man herkeda tèlèba a wuffè a géɗ nengaʼa, te civèɗ man a tsagai, za Sion, nasa kokwar bi mbiaʼa.

⁴ Bi Zhiklè a nza te gi nengaʼa, ara sam ndohi nlèaʼa.

⁵ Bihi ta humda va ta, ta shkè a ngi var.

⁶ Ta shkè, ta pu dai, ta gu gurts, ta gu zlau a ta hu ta.

⁷ Ta gudzu a samaʼa, ta düsha va ara ngwoz man a yi kra.

⁸ A kozlar man a slèmbèɗè te man a verzi gai a gedassede wurom Tarsis aussa.

⁹ Skwi man nga tsenaʼa a zlembaɗ ani nga rka a di nga ma: kokwar Zhiklè bi mbiaʼa, kokwar Zhiklè nga, man Bi Zhiklè a ndizlaʼa, a da nzi a mèdèp.

¹⁰ Bi Zhiklè, nga hér pombi ngaya, te gi ngaya.

¹¹ Bi Zhiklè, lèmèlèmè ara nzlembaɗ ngaya, nʼnjèl ngaya a dè a verzi herkeda, Ngi-zuraʼa nʼndha ri mandi ngaya.

¹² Sion a wuffè, ndohi Juda ta wuffè, a géɗ kita ngaya.

¹³ Va-tèuda Sion a pa, vo-do a dalmagi nengaʼa, a kin ngra gi ngur-gurèa nengaʼa!

¹⁴ Va-pu di a zlazlar nengaʼa, va-sawala te gihi bi nengaʼa, a kin njè ta ndohi verzi wud wuda man ta da yi a ma ma.

¹⁵ Nengaʼa Bi Zhiklè, Zhiklè nga, man a de nga a mèdèp.