Psaumes 47 - Ma Zhiklè

¹ Psaume ndohi Koré.

² Kin ndohi herkeda tèlèba, va-tsu ri tototoʼa, vo-slubordo Bi Zhiklè a ntsi ri ngummaʼa!

³ Aman Zhiklè te géɗèʼa mwuɗitpa, bi mbiaʼa a géɗ herkeda tèlèba.

⁴ A nge ta ndohi herkeda tèlèba a ɓèlèlihi nga, a mpeda kokwar-bihai a hwaɗ sak nga.

⁵ Nengaʼa a ngatsa nga nʼnjèl Jacob, man ndav nengaʼa a woyaʼa, a skwi nʼndi gi nga.

⁶ Zhiklè a zhè te géɗèʼa, a ta tsi tolom, a ta guzlai a Ndo nzi pèc pècèk.

⁷ Va-sla na dimèsh a Zhiklè, va-sla na dimèsh te nshid gèɗ! Va-sla na dimèsh a bai, va-sla na dimèsh te nshid gèɗ!

⁸ Aman Zhiklè, bai a gèɗ herkeda tèlèba. Va sla na dimèsh!

⁹ Zhiklè nʼngaʼa a bai a géɗ ndohi herkeda tèlèba. Zhiklè a nzahai a sam nʼnzi bi nengaʼa nkezlaʼa.

¹⁰ Bihi ndohi herkeda ta ɓica va, a ta dè a va mpi ndohi Zhiklè Abraham; aman gambarhi a géɗ herkeda, gambar Zhiklè. Nengaʼa a zhè te géɗèʼa.