Psaumes 4 - Ma Zhiklè

¹ Psaume David.

² Aman i bèhè, mbeɗkay a ma, Zhiklè, ndo nʼnzay a deɓa! Te nlèyè, prekay auda; i da se ka te va, co ntsi ri ga!

³ Kin ndohai, kin dérɗè nzlembaɗ ga nʼnzi tèkè? Kin woy skwi ambaɓiaʼa, a kin hi a verzi ncèkèlma èhèmè?

⁴ Va-suna, Ndo nzi pèc pècèk a mvay pombi mbelaʼa. Ndo nzi pèc pècèk a tsenaʼa, aman i kuɗi a sam na.

⁵ Aman kin gi ndav, mali da kala a pa ɓai! Aman kin hér geɗ a sam mʼmènè kinè, va-nza tètè!

⁶ Va-va na skwi zuraʼa a Zhiklè kinè, va-pu ndav a Ndo nzi pèc pècèk!

⁷ Ta kumba ta gaɗa: Da ngra nga skwi man amba wa? Ndo nzi pèc pècèk, medi ngaya da hela nga sam!

⁸ Ka vay mwuffè a ndav ga, a fena mwuffè ndohai man ta tsi dau a ta ti zom.

⁹ I mènèhai a gumai a i nzhun ga, te man ka, Ndo nzi pèc pècèk, ka staɗ genè ka ta-kahayè a ka ɓeryè.