Psaumes 36 - Ma Zhiklè

¹ Man a David, ɓèl Ndo nzi pèc pècèk.

² Ndo ambaɓiaʼa a gaɗa: I mana ndav ga, i woy Zhiklè ɓai. A gi zlau Zhiklè azɓai.

³ A peda ndav na a wi a vna, mali ga a ngècè azɓai, ar na, shèwa az a géɗ ga bai, ar na.

⁴ Ma nengaʼa ncèkèlma, ma nʼngwèdè ndo. A njèkeda ngi skwi zuraʼa, skwi man amba,

⁵ a her malai a sam mʼmènè na, a dè a civèɗ ambaɓiaʼa, a kwèl skwi ambaɓiaʼa azɓai.

⁶ Ndo nzi pèc pècèk, pombi ngaya a ndikè a zhiklè a géɗèʼa, nlèɓèslè ngaya a ndikè a sam vanihai.

⁷ Ngi-zura ngaya nara zahi Zhiklè, kita ngaya nara iyam mbiaʼa. Ndo nzi pèc pècèk, ka takaha ta ndohai, ka takaha ta skwi ndzhamhai.

⁸ Zhiklè, pombi ngaya a jènaha nga, ndohi herkeda ta nghédè va tʼhwaɗ kelpasl ngaya.

⁹ Ta ndi skwi man a zhè a vata te gi ngaya, ta si iyam mbelaʼa.

¹⁰ Aman nlèlè iyam nshèffè a zhè a sam ngaya. Te va skwi nhél sam ngaya nga rka skwi nhél sam.

¹¹ Do a ma ma a a pombi ngaya a géɗ tengaʼa man ta sen ka, a nlèbèslè ngaya a sam tengaʼa man ndav ta zuraʼa.

¹² Ndo nfi va da mbatsay a sak bai, ri ndohi ambaɓihiaʼa da dzamyè bai!

¹³ Ndohi malai sèi ta kèlèhi tèlèba, ta tuzlom ta hai, ta slaha ta slèmbèdè azɓai.