Psaumes 32 - Ma Zhiklè

¹ Man a David. Dimèsh. Mwuffè a sam ndo man mali nengaʼa mpraʼa, man mphömè nengaʼa mpizlè te pa.

² Mwuffè a sam ndo man Ndo nzi pèc pècèk a ngrè mali nengaʼa azɓai, man ncèkèlma a te ma nengaʼa ɓai.

³ Aman i goɗkoɗauda ɓai, vatasl ga mverzl na a deɓa, a géɗ man i düsh va lèk lèk.

⁴ A pats a vaɗ ri ngaya a keɗay va a hai, a samay pombaz auda te va, ara pats begedza.

⁵ Te deɓaʼa i ngreda ka mphömè ga auda, i ngheda mali ga ɓai. I gaɗa: I woy a i ngreda na maharam ga a Ndo nzi pèc pècèk. A ka, ka pray mphömè mali ga.

⁶ Gar haha ko wawa man a gi zlau Zhiklè, da tsu ri a ka a pats mwuɗitpa; man iyam a shkè mbiaʼa, a ndikè na a va azɓai.

⁷ Ka sam man i slaha i nzi a hwaɗaʼa, ka ɓeryè te ri matakwan, ka tèudyè a pa a ka mbelyè.

⁸ I woy a i ngatsa ka maya a i ngra ka civèɗ man i woy a ka dè a pa, i woy a i paha ka dai, Zhiklè a gaɗa.

⁹ Ka gu ara plèsh a kɗèh ɓai, man maya ta azɓai. Sèi ta gs ta a dzala te ma a teɓa, a ta gucè azɓai; man ɓai ta dè a sam ngaya azɓai.

¹⁰ Ndo ambaɓiaʼa a si matakwan kum-ba. Aman ndo man a pi ndav a Ndo nzi pèc pècèk, a ngècè pombai.

¹¹ Va-wuffa a géɗ Ndo nzi pèc pècèk, va-gu langlan-gaʼa, kin ndohi nzuraʼa. Va-slu dimèsh, kin tèlèba man ndav kinè zuraʼa.