Psaumes 30 - Ma Zhiklè

¹ Psaume. Dimèsh ngolala mwin gi Zhiklè. Man a David.

² I woy a i slèbardé ka, Ndo nzi pèc pècèk, te man ka ckay auda te vèvèɗ, ka jèkyè a mayamhi ga ta wuffè a géɗ ga ɓai.

³ Ndo nzi pèc pècèk, Zhiklè ga, i tsu ri a ka, a ka mbelyè dzafdzafaʼa.

⁴ Ndo nzi pèc pècèk, ka ckoy nshèffè a deɓa te mʼmetsai, ka bahay nshèffè ga a deɓa te va ndohi vèvèɗ.

⁵ Kin ndohi nkezlaʼa, va-sla na dimèsh a Ndo nzi pèc pècèk, vo-slubordo nzlem-bad nengaʼa nkezla a.

⁶ Aman ndzoan nengaʼa a nzi kètè genè; aman pombi nengaʼa a nzi te mvi nshèffè tèlèba. A dakwaɗ, nkudai; a prèk, mwuffè.

⁷ A pats man i nza amba amba, i gaɗa: I da kèlèhi azɓai, a mèdèp ba.

⁸ Ndo nzi pèc pècèk, a pombi ngaya ka zlatsedyè, a géɗ pra man wuɗi na zhè. Aman ka ngheda va ngaya a sam ga, zlau a dzay ma.

⁹ Ndo nzi pèc pècèk, i kuɗau a sam ngaya, i tsu ri a Zhiklè ga:

¹⁰ Aman i metsi ga, a i dè ga a vèvèɗ, ka da ngècè te pa mè? Mberfenèk a slaha a nshida ka gèɗ dè? A slaha a njè ngi-zuraʼa ngaya dè?

¹¹ Ndo nzi pèc pècèk, tsenaʼa, i da se ka te va! Ndo nzi pèc pècèk, takahayè!

¹² Te deɓaʼa ka ngwoda wobau ga a mwuffè, ka prokoy maslaka sam kuɗa auda a va, a ka vay mwuffè a ndav.

¹³ Ndav ga da sla ka dimèsh, da nza tètè bai! Ndo nzi pèc pècèk, Zhiklè ga, a mèdèp i woy a i shida ka gèɗ.