Psaumes 25 - Ma Zhiklè

¹ Man a David. Ndo nzi pèc pècèk, i tsi ri a ka.

² Zhiklè ga, i pi ndav a ka, ka pay hori a di ɓai! Mayamhi ga da wuffa a géɗ ga ɓai!

³ I suna, ndo man a zhèr ka, a ngècè hori a di azɓai, ko staɗ. Ndohi nʼngwèdè ndo ambalai, tengaʼa da ngots hori a dai!

⁴ Ndo nzi pèc pècèk, ngray civèɗ ngaya, njèy sam ngaya man i bizhè a pa.

⁵ Ngrayè aman i dè te ma ngaya nzuraʼa, slebdayè! Aman ka, Zhiklè man ka mbelyè.

⁶ Ndo nzi pèc pècèk, hur ara man nga se ka te va, hur mwoy-ndo ngaya man a zhè tʼhinkaɗ na.

⁷ Ka hur mali man i gau te gola ɓai! Heryè te pombi ngaya, Ndo nzi pèc pècèk, a géɗ ngi-amba ngaya.

⁸ Ndo nzi pèc pècèk a ndav amba a nzuraʼa. Gar haha a ngra ta civèɗ a ndohi man ta zlak ta.

⁹ A ngra ta civèɗ a ndohi man ta manda gèɗ a hai, a ta jèjèr ma kita nengaʼa, a slebda ta civèɗ nengaʼa a ndo-hai man ta manda gèɗ a hai.

¹⁰ Civèɗ Ndo nzi pèc pècèk tèlèba, amba, zuraʼa, a sam tengaʼa man ta gshè va a nderzlè-ma nengaʼa, a ma nkwèr nengaʼa.

¹¹ Ndo nzi pèc pècèk, pray mali ga, a géɗ nzlembaɗ ngaya, aman mali ga mbiaʼa.

¹² Wa, man a gi zlau Zhiklè? A nengaʼa a da ngra na civèɗ man a woya a dè a pa.

¹³ Géɗ va nengaʼa a da zhè a ma-nam, ndohi te verzi nengaʼa ta da kwèr herkeda.

¹⁴ Tengaʼa man ta gi zlau Ndo nzi pèc pècèk, Zhiklè a ngra ta ma nengaʼa man a zhè te ndav na a njè ta nderzlè-ma nengaʼa.

¹⁵ I pi di ga pèc pècèk a Ndo nzi pèc pècèk, nengaʼa a da ckoy sak ga auda te gadda.

¹⁶ Ngwodkay ma, vay pombai, i nza a géɗ ga, ara mbelawa.

¹⁷ Pryè auda te ri zlau te ndav ga, dyè auda te matakwan ga!

¹⁸ Hur nlèyè ga a skwi mwuɗitpa man a gayè, a ka pray mali ga tèlèba!

¹⁹ War mayamhi ga ta zhè kumba, ta gi shèwa a iyè a ndav worworaʼa.

²⁰ Ɓeray nshèffè ga, mbelyè! Ka pay hori a di ɓai, aman i pi di a ka.

²¹ Skwi man mali a te pa ɓai, skwi ntsarayaʼa, da ɓeray ndav ga, aman i zhèr ka, Ndo nzi pèc pècèk.

²² Zhiklè, proko Israel auda te matakwan nengaʼa tèlèba!