Psaumes 24 - Ma Zhiklè

¹ Psaume David. Herkeda a skwi tèlèba man a géɗ herkeda, herkeda a ndohi man a géɗ herkeda, ta tèlèba a Zhiklè.

² Nengaʼa a ngau herkeda te ndev iyam mbiaʼa, a ntil herkeda a ma iyam.

³ Nslaha a ntivè a géɗ za Ndo nzi pèc pècèk wa? Nslaha a nzlècè a sam nengaʼa nkezlaʼa wa?

⁴ Ndo man ri nengaʼa nlizhɓai, a ndav nengaʼa mpana, a cèffè ma ambali azɓai, a mbèɗè a ncèkèlma azɓai.

⁵ Nengaʼa a da ngècè mpshè ma a sam Ndo nzi pèc pècèk, a ngizuraʼa te ri Zhiklè man a mbelaʼa.

⁶ Nasa verzi ndohai man ta hèsh Zhiklè, man ta woy a ta rka di ngaya, Zhiklè Jacob.

⁷ Va-winè ntamagi twèng tʼherkeda, voco ntatak auda a ntamagi nzlèzlèa, va-herdaha a deɓa, a bi nʼnzalaʼa a dè a pa.

⁸ Bi nʼnzalaʼa a haha wa? Ndo nzi pèc pècèk, bi wuɗai, ngul ndo, Ndo nzi pècpècèk, ngul ndo te dal var.

⁹ Va-winè ntamagi twèng tʼherkeda, vo-co ntatak auda a ntamagi zlèzlèa, va-herdaha a deɓa, aman bi nʼnzalaʼa a dèa pa.

¹⁰ Bi nʼnzalaʼa haha wa? Zhiklè bi mbiaʼa, nengaʼa bi nʼnzalaʼa.