Psaumes 2 - Ma Zhiklè

¹ Kokwar-bihai ta rubi èhèrnè, ndohi herkeda ta hér skwi ambalai èhè-mè?

² Bihi herkeda ta slèmbèdè, wud bihai ta vhè ma a géd a Ndo nzi pèc pècèk a ndo nengaʼa man a bada na mbar a gèɗ.

³ Ta gada: Ngo-nguslokoy skwi man ta dzaw nga a vna, ngo-koldokoy cèlèlèu tengaʼa aussa!

⁴ Nengaʼa man a nza a géɗ sam nʼnzi bai te zhiklè te géɗèʼa, a ngwossaha ta. Ndo nzi pèc pècèk a liv ta.

⁵ A gaɗa ta a ma ndzoan, a shèwa nengaʼa a pra ta zlau a va.

⁶ Iyè man i feda bi ga a Sion, a géɗ za ga nkezlaʼa.

⁷ I woya a i ngreda skwi man Ndo nzi pèc pècèk a huro. A ngadayè: Ka kra ga, a patsna i fe ka.

⁸ Dzhoɗo a sam ga, i da va ka ndohi herkeda a skwi nʼndi gi ngaya, kala verzi herkeda tèlèba ka ngècè a skwi ngaya.

⁹ Ka da tse ta a gaɗa züdo, ka da bazl ta ara shiɗèf.

¹⁰ Anai, kin bihai, va-suna! Kin ndohi kita a géɗ herkeda, va-ngots maya!

¹¹ Va-gu mizlinè Ndo nzi pèc pècèk a zlau, va-gurɓahai a deɓ sak nengaʼa a ngudzai,

¹² a nengaʼa a da gi ndav azɓai; a civèɗ kinè a zede kinè azɓai. Aman ndav nengaʼa a slèmbèɗè tsam-tsam. Mwuffe a sam ndohi tèlèba man ta pi ndav ta a nengaʼa.