Psaumes 17 - Ma Zhiklè

¹ Ntsi ri David. Ndo nzi pèc pècèk, fu zlembaɗ a ma nzuraʼa! Tsena kuɗ ga! Co ntsi ri ga man i goɗ a ncèkèlma ka ɓai.

² I gi skwi man amba, i gi skwi man ambaɓai, ka ka gèɗèʼa. Ka sun skwi man nzuraʼa.

³ Ka jkeda ndav ga, ko a vaɗ ka rkaʼa. Ka wuzhè ndav ga, ka ngècè skwi ambaɓiaʼa a sam ga azɓai. Ma ga a gi mali azɓai.

⁴ I ɓer civèɗ ga a sam ndohi ngi skwi a wuɗai. I hur ma man ka goɗ te ma ngaya, te man i pu di a skwi ntul man ndo a da ngècèʼa.

⁵ Sak ga a jèjèr sam sak ngaya, i fèdèhi azɓai.

⁶ I tsi ri a ka, te man ka tsena ma ga, Zhiklè ga. Fu zlembaɗ a ka tsena ma ga!

⁷ Ngreda pombi ngaya mbiaʼa, ka man ka mbel ta ndohi man ta pi ndav ta a ka a géɗ mayamhi tengaʼa.

⁸ Ɓeryè ara man ka ɓer iyam di ngaya, nghedyè a hwaɗ kelpasl ngaya,

⁹ te ri ndohi ambaɓihiaʼa man ta woy a ta gedassyè, te ri mayami ga man ta tèudyè a pa a ta woy a ta keɗyè.

¹⁰ Ndo a se ta te va azɓai, ta gèɗ ma nfi va.

¹¹ Ta pay va a hai, ta tèudyè a pa, ta hur ta woy a ta tsedyè a hai,

¹² ara marizhèlè man a woy a ngshè zluèɗ, kra marizhèlè man a pi va.

¹³ Ndo nzi pèc pècèk, slambaɗa, ngalda pa, kaldahai, mbelay nshèffè ga te ri ndohi ambaɓihiaʼa a tsakwal ngaya,

¹⁴ Ndo nzi pèc pècèk, mbelay nshèffè ga te ri ndohi herkeda haha man ta wala, ko wud ta, a wud wud ta man ta jèke ta njèkèɗi skwi ta.

¹⁵ Aman iyè, i woy a i rka di ngaya te ngi-zuraʼa; i woy a i rka di ngaya a prèk, man i piɗèkwa ma, a menay a va.