Psaumes 149 - Ma Zhiklè

¹ Alléluia! Va-slu dimèsh mɓuaʼa a Ndo nzi pèc pècèk, mpi ndohi Zhiklè tèlèba da slau nengaʼa!

² Israel da wuffa a géɗ ndo nʼngau, ndohi Sion sèi ta wuffè a géɗ bi tengaʼa.

³ Sèi ta shid gèɗ a nzlembaɗ nengaʼa te ngècè; sèi ta sli dimèsh a géɗ nengaʼa a tèzlèzlèu a ganzavar.

⁴ Aman Ndo nzi pèc pècèk a wuffè a géɗ ndohi nengaʼa. A mbel ta ndohi nengaʼa man ta manda ta gèɗ a hai.

⁵ Ndohi Zhiklè da wuffa, da hazlawa a mwuffè a sam mʼmèn ta.

⁶ A ma tengaʼa ta slébèrdè Zhiklè, a ri tengaʼa ta gshè tsakwal, nta-sla te tsagi cèw,

⁷ a ta pela ta di man a ndohi nte deɓa, a ta ngez ta ndohi herkeda,

⁸ a ta dzaw ta bihi a cèlèlèu, a tengaʼa mbibihiaʼa a teɓa züdo,

⁹ a ta ga ta kita man mwindèa te ɗèlèwèr. Nasa skwi nslebarde ta ndohi Zhiklè. Alléluia!