Psaumes 142 - Ma Zhiklè

¹ Dimèsh David, aman a zhè te vèvèɗ za. Ntsi rai.

² Ma ga a bèhè a Ndo nzi pèc pècèk. Ma ga a tsi ri a Ndo nzi pèc pècèk.

³ Skwi man i kuɗi a géɗèʼa, i ngreda auda a sam na. Nlèyè ga tèlèba i njè na.

⁴ Aman wuɗi a te ndav ga ɓai, ka, ka sun civèɗ ga. Ta ngay ɓali a hai a civèɗ man i bizhè a pa.

⁵ Pu di a civèɗ ri mandai, woro: ndo a se-nyè ɓai, sam man i hi a pa azɓai; ndo a mpay di a nshèffè ga azɓai.

⁶ I kuɗi a sam ngaya, Ndo nzi pèc pècèk: Kasam ga nlèaʼa, skwi man i ngotso, a gèɗ herkeda man ndohi ta zhè a nshèffè.

⁷ Fu zlembaɗ a mbèhè ga; aman wuɗi ga azɓai. Mbelyè auda te ri ndohi man ta dzaryè; aman ta fenyè a wuɗai.

⁸ Ckay auda te skwi mwuɗitpa, a i da slébèrdè nzlembaɗ ngaya. Ndohi nzuraʼa ta da tèudyè a pa, a gèɗ man ka gay skwi man amba.