Psaumes 14 - Ma Zhiklè

¹ Psaume David. Ndo nrzla a goɗ te ndav na: Zhiklè azɓai. Ta ngwèdè rai, ta gi mphöme, ndo man a gi skwi man amba azɓai, ko staɗ.

² Ndo nzi pèc pècèk a paka di a hai te zhiklè, a géɗ ndohai, aman a rka, ndo maya a zhi ɗè, ndo man a woy Zhiklè a zhi ɗè?

³ Ta zlak ta tèlèba, ta gedas ta tèlèba, ndo man a gi skwi man amba azɓai, ko staɗ ba.

⁴ Ndohi tnalai, maya ta azɓi ɗè, man ta woy a ta ndi ndohi ga a ma a dai, ara man ta ndi movar, a ta tsi ri a Ndo nzi pèc pècèk azɓai.

⁵ Zlau mbiaʼa a dza ta, a sam man zlau az a pa ɓai; aman a zhè a sam verzi ndohi nzuraʼa.

⁶ Skwi man a bidè mbelaw ndo, kin woy a kin ndeda a skwi ambalai. Ndo nzi pèc pècèk, sam nengaʼa nlèaʼa.

⁷ Skwi mʼmbel ndohi Israel da shkè te Sion! Aman Ndo nzi pèc pècèk a da helka ta ndohi nengaʼa a deɓa, Jacob a da wuffè, Israel a da sli dimèsh.