Biblia Todo Logo
Bìoball air-loidhne

- Sanasan -

Psaumes 138 - Ma Zhiklè

1 Dimèsh David. Ndo nzi pèc pècèk, i shida ka gèɗ a ndav ga tèlèba. I woy a i shida ka gèɗ a dimèsh a sam di golahi Zhiklè tèlèba.

2 I woy a i kèlèhai a deɓ sak ngaya te gi Zhiklè nkezlaʼa. I woy a i shid gèɗ a nzlembaɗ ngaya, a géɗ mwoy-ndo ngaya, a ma nzuraʼa ngaya. Aman ka ga nzlembaɗ ngaya a mbiaʼa, a fena tèlèba.

3 A pats man i baha ka, ka mbeɗkay a ma, ka va na wuɗi a ndav ga.

4 Ndo nzi pèc pècèk, bihi tèlèba tʼherkeda ta da slébèrdè ka, man ta tsena ma ngaya,

5 a ta da sli dimèsh a civèɗ Ndo nzi pèc pècèk: Nʼnjèl Ndo nzi pèc pècèk mbiaʼa!

6 Ndo nzi pèc pècèk a zhè te géɗèʼa, a paka di a hai, ko dra, a sen ta ndohi nfi va.

7 Aman i te va nhér gèɗ, ka vay wuɗai, ka kutèka ta rai a di a mayamhi ga, ri mandi ngaya a takahayè.

8 Ndo nzi pèc pècèk da rufa skwi man a hüno a géɗ ga. Ndo nzi pèc pècèk, pombi ngaya a nzi a mèdèp. Ka jèkeda mizlinè man ka gu a ri ngaya ɓai!

Alliance Biblique du Cameroun 1989

Bible Society of Cameroon
Lean sinn:



Sanasan