Psaumes 130 - Ma Zhiklè

¹ Dimèsh ndè a gi Zhiklè. Ndo nzi pèc pècèk, i tsi ri a ka te drav matakwan.

² Tsena daʼai ga! Fu zlembaɗ a ntsi ri ga mbuh mbuhaʼa!

³ Ndo nzi pèc pècèk, aman ka ngrè malai, nslaha a nzlècè a sam ngay wa?

⁴ Aman ka, ka prè malai, a ndohi ta gi hu-yokokoʼa a sam ngaya.

⁵ Ndo nzi pèc pècèk, i zhèr ka, ndav ga a zhèr ka, a gshè va a ma ngaya.

⁶ Ndav ga a zhèr Bai, Zhiklè, a fena ndo mɓer kokwar man sam a nciɗa na di ɓai.

⁷ Israel da gso va a Ndo nzi pèc pècèk, aman pombi Ndo nzi pèc pècèk a zhè. Skwi mpil gèɗ malai a zhè a sam na kumba.

⁸ Nengaʼa a da preka ta ndohi Israel auda te mali tengaʼa tèlèba.