Psaumes 129 - Ma Zhiklè

¹ Dimèsh ndè a gi Zhiklè. Israel da goɗa: Ta ndedatsjyè kumba te gol ga.

² Ta ndeɗats iyè kumba te gol ga, a ta fenyè ɓai.

³ Ta fu deɓ ga a gi dau a ndohi mpizhè ta puzo a pa. Ta tsay gari a deɓa.

⁴ Ndo nzi pèc pècèk, zuraʼa, a nratsa teba ndohi ambaɓihiaʼa.

⁵ Ta tèlèba man ta gi shèwa a Sion, sèi ta ngècè hori a dai a ta min ta a deɓa.

⁶ Sèi ta ndi lèmèlèmè ara kuza man a fcè a géɗ gai, njidè a ngrè, ngwor na ma,

⁷ a ndhè ri ndo nzliaʼa azɓai, dèʼa na a gèɗ ɓai.

⁸ A ndohi man ta bizhè a pa ta pshè na ma a nzlembaɗ Ndo nzi pèc pècèk azɓai. Nga pshè kinè ma a nzlembaɗ Ndo nzi pèc pècèk, ta gèɗè azɓai.