Psaumes 127 - Ma Zhiklè

¹ Dimèsh ndè a gi Zhiklè. Dimèsh Salomon. Aman Ndo nzi pèc pècèk a rèm gi azɓai, tenga man ta rèmèʼa ta gi mizlínè ambalai. Aman Ndo nzi pèc pècèk a ɓer kokwar azɓai, ndo mɓer kokwar a ɓerèʼa amɓalai.

² Kin slèmbèɗè a prèk te gai, kin shèk va sèi vaɗ, a kin ngècè movar a va-zaza a medai, kin gu ambalai. A ndohi nengaʼa, Zhiklè a va ta, ko man ta nzhuna.

³ Wudahai, nasa skwi man Ndo nzi pèc pècèk a viaʼa; nasa mpshè ma Zhiklè.

⁴ Ndo man wuda na ngurhai, ara sulomhai a deɓ rai.

⁵ Mwuffè a sam ndo man a nʼndha godoma nengaʼa a vna! Ta da ngècè hori a di azɓai, aman ta zli gèɗ a mayamhi tengaʼa a ntamagi kokwar.