Psaumes 122 - Ma Zhiklè

¹ Dimèsh ndè a gi Zhiklè. Dimèsh David. I wuffè, aman ta gaɗayè: Ngo-dokoya a gi Ndo nzi pèc pècèk!

² Jérusalem, sak ga a zlatsa a ntamagi ngaya;

³ Jérusalem, kokwar nrama man mbikaɓai,

⁴ sam man ndohi herkeda ta dè a pa, ndohi Ndo nzi pèc pècèk, malwuɗi Israel, a ta shid gèɗ a nzlembaɗ Ndo nzi pèc pècèk.

⁵ Te pa sam nʼnzi bihi man ta gi kita a zhè, sam nʼnzi bihi ndohi gi David.

⁶ Vo-dzhoɗo gumai a géɗ Jérusalem! Ndohi man ta woy ka, da nza tètèʼa.

⁷ Gumi da zhè tʼhwaɗ zlazlar ngaya, a ndohi te gi bi ngaya, skwa da ga ta ɓai!

⁸ A géɗ kramamhi ga a mandalahi ga, i woy a i gèɗè: Gumi a sam ngaya!

⁹ A géɗ gi Ndo nzi pèc pècèk, Zhiklè nga, i jhèd manam.