Psaumes 121 - Ma Zhiklè

¹ Dimèsh ndè a gi Zhiklè. I ced gèɗ a zhiklè, a i pi di ga a zahai. Skwi ntakahayè a da shkè tema?

² Skwi ntakahayè a shkè te Ndo nzi pèc pècèk, man a gu giɗfèk a herkeda.

³ Nengaʼa a gi aman sak ngaya a fèdè azɓai, nengaʼa ndo mɓer ka man a nzhun azɓai.

⁴ Aʼai, ndo mɓer Israel a nzhun azɓai, ko hèzlèzlè ba azɓai.

⁵ Ndo nzi pèc pècèk, nengaʼa ndo mɓer ka. Ndo nzi pèc pècèk a war ka, na zhè a tsagi ngaya.

⁶ A pats, pats a te ka azɓai. A vaɗ, kia a da ga ka skwa azɓai.

⁷ Ndo nzi pèc pècèk a da ɓer ka te ri skwi ambaɓiaʼa tèlèba, a da ɓir nshèffè ngaya!

⁸ Ndo nzi pèc pècèk a da ɓir sam man ka shkè auda te pa, a sam man ka dè a pa, a hinè antanta a ndè a ma ma a mèdèp.