Psaumes 12 - Ma Zhiklè

¹ Psaume David.

² Ndo nzi pèc pècèk, takahayè; aman ndo man a gi zlau Zhiklè, klèng, nlèɓèslè a sam ndohi herkeda, klèng.

³ Ta cèkèlma a va ta, ta shibèndè va ta a deɓa genè, ndav ta nkezla cèw.

⁴ Ndo nzi pèc pècèk da gedas ta tèlèba man ta shibèndè ndo ambalai, a ndohi man ta gèɗ ma nfi va,

⁵ man ta gaɗa: Nda ga nga a gèɗ mè, a ta gaɗa: ma ngá a zhè; za bi nga wa?

⁶ Ndo nzi pèc pècèk a gaɗa: A géɗ man ta ga ta wuɗai a mbelawhai, a ndohi ntawassaʼa ta kuɗai, i slèmbèɗè a i takaha ta ndohi man ndohi ngiɗè ta kwol ta.

⁷ Ndo nzi pèc pècèk a gèɗè ma tsarayaʼa, nara verzhègenè man ta wosla te gezla, ta menda a gezla sak tsaraɗ.

⁸ Ka, Ndo nzi pèc pècèk, ɓer nga, wara nga dai a sam ndohi herkeda haha a mèdèp.

⁹ Ndohi ambaɓihiaʼa ta tèude nga a pa, ndohi herkeda haha ta gi tsokoɗof a ma ma.