Psaumes 113 - Ma Zhiklè

¹ Alléluia! Kinè ɓèlèlihi Ndo nzi pèc pècèk, va-shüd gèɗ, va-shida na gèɗ a nzlembaɗ Ndo nzi pèc pècèk!

² Ngo-slubordokoya a gèɗ nzlembaɗ Ndo nzi pèc pècèk, a hinè antanta a ma ma a mèdèp!

³ Te civèɗ mvèng pats a ndè a sam nkèl pats, sèi ngo-slubordokoy nzlembaɗ Ndo nzi pèc pècèk!

⁴ Ndo nzi pèc pècèk mbiaʼa a gèɗ ndohi herkeda tèlèba, nʼnjèl nengaʼa a fena giɗfèk tèlèba.

⁵ Te giɗfèk, a gèɗ herkeda, ngar Ndo nzi pèc pècèk, Zhiklè nga, wa?

⁶ Nengaʼa man a nzi te géɗèʼa, a gèɗ sam nʼnzi bai, a paka di a hai.

⁷ Nengaʼa man a cko ndo ntawassaʼa auda te mèrwèc, a takaha ndo man a si zai te matakwan.

⁸ A njiɗiʼa a tsagi mbibihiaʼa, a tsagi mbibihiaʼa ndohi na.

⁹ Nengaʼa a ngwèdè deli ngwoz a nyi kra, aman a wuffè a gèɗ wudahi na. Alléluia!