Psaumes 112 - Ma Zhiklè

¹ Alléluia! Mwuffê a sam ndo man a gi zlau Ndo nzi pèc pècèk, a ndo man ma nkwèr nengaʼa ambaha.

² Ndohi nte ver-zi nengaʼa ta nzi gedeng-gedengaʼa te kokwar, verzi ndohi nzuraʼa, Zhiklè a pshè ta ma.

³ Skwi mèshèlè na a zhè te gi na, a ngi-zuraʼa nengaʼa a nzi a mèdèp.

⁴ Te ndev ruva, skwi nhél sam a hulko gèɗ a sam ndohi nzuraʼa. Tengaʼa man ndo a se ta te va, ta woy ndo, a ta gi zuraʼa.

⁵ Mwuffè a sam ndo man ndo a sia te va, a vi skwi a ndo, a jèjèr ma kita te skwi man a giaʼa tèlèba.

⁶ Aman nengaʼa a kèlèhi azɓai; ndo nzuraʼa, ndohi ta hérèʼa pèc pècèk a mèdèp.

⁷ Aman ta menda na ma ambaɓiaʼa, a gi zlau te pa azɓai. Ndav nengaʼa a nʼnza, a gshè ndav na a Ndo nzi pèc pècèk.

⁸ Ndav nengaʼa a nʼngots wuɗai, a gi zlau azɓai, ha a fen ta mayam-hi na.

⁹ A vrè, a vi skwi a ndohi ntawas-saʼa. Ngi-zura nengaʼa a nzi a mèdèp. Nzlembaɗ nengaʼa a njèlè a ma mà.

¹⁰ Ndo ambaɓiaʼa a nrkaʼa, ambaha ɓai, a pedi rai, a gédèsh na. Skwi man ndohi ambaɓihiaʼa ta woyaʼa, a gédèsh na.