Psaumes 11 - Ma Zhiklè

¹ Psaume David. Ndo nzi pèc pècèk, sam ga nlèaʼa. Kin gaɗayè: Hu ngaya a za ara diak, èhèmè?

² Na haha, ndohi ambaɓihiaʼa ta mèn lèkèɗ, ta pi sulom a deɓ rai, ta bar ta ndohi man ndav ta zuraʼa, a vaɗ.

³ Aman ma kita mbiaʼa a mʼmen na a deɓa, ndo nzuraʼa a da ga na kè?

⁴ Ndo nzi pèc pècèk a zhè te gi bi nengaʼa nkezlaʼa. Sam nʼnzi bi Ndo nzi pèc pècèk a zhè te zhiklè. A paka di a hai a géɗ herkeda, a ngél dai a géɗ ndohi tʼherkeda.

⁵ Ndo nzi pèc pècèk a jkeda ndo nzuraʼa a ndo ambaɓiaʼa, a gi a mayam ndo man a gi shèwa.

⁶ A zlindkodi vogwa a skwi nvècè vog-wa a gèɗ ndohi ambaɓihiaʼa; nasa matakwan man a ga ta.

⁷ Aman Ndo nzi pèc pècèk zuraʼa, a woy skwi nzuraʼa. Ndohi nzuraʼa ta da rka di nengaʼa.